Mika 5:8 - Mawu a Mulluku

⁸ Oohalla a Yakobo enaakhalle variyari va mitundu ddinchichi dda athu wonanko mukango variyari va enama ddamuhakani. Anaakhalle wonanko mukango onavira variyari va mulloko wa enkhosa oyo onnaddiphara ni oddikhaddulla, oohikhallavo ooddivullusa.

Mika 5:8 ပူးပေါင်းရင်းမြစ်များ

Zekariya 10:5

Ayuda attheene vamodda enaakhalle wonanko akhoto amasiva awaanyingallella adani m'musewuni enthawi yakhoto. Eneerowana ekhoto ekaamba yawi Apwiya eri ni alliwa nave eneerewaagonjiha adani oowella va akavalo.

Mika 4:13

“We Ziyoni, amba wuuputha vawi kineerewuutthattusa amasiva wonanko manyaka amukoko, wonankottho manyallo amukuwa. Oneeronyenya mitundu ddinchichi dda athu nave nnddo yaphuralliiwa oneeroddivelleella wa Apwiya. Eyuumiiwa oneeroyivelleella wa Apwiya a ellapo yavatthi ettheene.”

Zekariya 12:3

Nllapo nenno kineeromutthattusa Yerusalemu nlluku noollemella wunchichi wa mitundu ddittheddene dda athu. Attheene enaaheye otukhulla nineerewaavoreya wunchichi nave mitundu ddittheddene dda va ellapo yavatthi ddineerotthukumana vamodda wi ddillipanena.

Zekariya 9:15

Apwiya Amasiva Mattheene eneerowaakiha, alliwa eneerewaapambana ni waagonjiha adaniiwa vawaavokhani malluku, eneerowirya nikhame na adaniiwa nngu ekhuwaka wonanko emuvonille vinyo. Nikhamenno nineereweetellella wonanko na mukutho, nawiithellelliwa ni kapu va nikuwa.

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”

Masalimo 50:22

Vano ganizani phaama nndda, nyu ayo munamutiwalla Mulluku wi kineerewuukhaddullani, khaavothi anaawuuvulluseni.

Aheberi 12:25

Chenjerani vano wi muhikhoote omwiiwellella oyo anallota ni nyuwaano. Athu ayo yakhootille omwiiwellellaalle oyo aachenjezilleeye vatthi vaava kheyaavulluwalle. Hiyaano ninaavulluwe mwawiidde nakhoota omwiiwellella oyo anallota ovenyera oddullu.

Mitteko 18:6

Ayuda yamuvaanyihalliiwa emullotellattho epewe, olliye ahaahokollosella voottatthani nthupi va ddoowara ddaye ni ollota wi, “Mullatu okhalle wa nyuwaano! Miyaano nginna mullatu. Ovenyera vano kineerooya wa athu ayo ehiri Ayuda.”

Mateyu 10:14

Arive muthu aahiwaakhellani apaalle owiiwellellani, venyanivoni vanipuronimvo nave muttatthe nthupi omanyalloni wanyu.

Genesis 49:9

Yuda ari wonanko mwanamukango, Iipha enamaaye, annahokollweellattho nko aniipittheeye. Annattaphuruwa navettho annakonaatthi vatthi wonanko mukango, Nave khaavo anaallipe murima wi amuvenyihe.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

Numeri 24:9

Israele ahiitta akonaatthi vatthi wonanko mukango, waamullopwana apaalle waamutthiyana. Ethiyo anaamuvenyihe ttaani? Oodala tti muthu oyo anuudalise ootembeleliwa tti muthu oyo anuutembelele.”

Masalimo 44:5

Ni nikavihero nanyu nahaagonjiha adanaahu, ni masivaanyu nahaanyingallella ooniwukila.

Masalimo 104:20

Munnaphatusa epiphi ekhalla mahiiyu, enama ddamuhakani ddinnakhuma.

Miyambo 30:30

mukango, oyo ori wamasiva okhwaranya enama ddittheddene khonarapella erive ello,

Yesaya 5:29

Okhuwa wiwa tti wonanko othuruma wa mikango apaalle misote nnddo ddininlla mwawoopiha voopharani enama nave ddinarowana oohikhallavo naari mmodda awaakihera.

Ezekiele 39:10

Kheyaashaka ekhuni ohakani apaalle otthalla ekhuni muutthakoni. Munllwiiwa enaakharihelleke ezida ddennddo. Eneerowaakha ayo yawaakha nave eneerowiiyera ayo yawiiyera. Mi Apwiya Mulluku koollota.”

Mika 2:12

“Koma nyu a nibanja nittheene na Yakobo, kineerewuutthukumanihani. Attheene oohalla a Israele, kineerewuutthukumanihani vamodda wonanko enkhosa munikhollani, wonanko mulloko wa eziweto vamunyepuni viwa. Nipuronno nineeroddalla ni waata wa athu.”

Mika 4:7

Oottutthunya kineerewaatthattusa oohalla nave ayo yiikariwe owaniwa kineerewaatthattusa mutundu wamasiva. Mi Apwiya kinaakhalle mweniiwa va mwaango wa Ziyoni ovenyera ollello ophiyera wa enthawi yoohimalla.”

Mika 5:3

Ekaamba ya yeella Mulluku aneerewaahiya Aisraele ophiyera mutthiyana amuyanre mwaana. Vaavo oohalla a mutundwaaye eneerohokollweella wa Aisraele akhwiiwa.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Zekariya 11:6

Apwiya enallota wi, “Sika ngiwa kimmorella ethakaraka arive muthu a va ellapo yavatthi. Kineeromvelleella arive muthu wa oohoollellaaye ni wa mwenaaye. Nave alliwaayo eneerotthollosa ellapo ettheene koma miyaano ngimuvullusa arive muthu m'mattani mwiwa.”

Malaki 4:3

Va nllapo kinaanikhozeeminno, muneerewaagonjiha oonanara nave enaakhalle wonanko nthupi vatthi va manyallwaanyu. Kinallota tti mi Apwiya Amasiva Mattheene.

Zekariya 14:18

Athu a o Iguputo yakhoota oyaawo eneerollakiwattho moophwanaphwana ni mmo Apwiya enaallakelliiwa orive mutundu wa athu wookhoota oyaawo o Ehakallallo ya Misasa.