Mika 5:7 - Mawu a Mulluku

⁷ Oohalla a Yakobo enaakhalle variyari va mitundu ddinchichi dda athu wonanko nikame noovenyera wa Apwiya. Enaakhalle wonanko murimu oorupella vamanasini moohiselliwa vawi khanatiyera olamuliwa ni muthu.

Mika 5:7 ပူးပေါင်းရင်းမြစ်များ

Mika 5:3

Ekaamba ya yeella Mulluku aneerewaahiya Aisraele ophiyera mutthiyana amuyanre mwaana. Vaavo oohalla a mutundwaaye eneerohokollweella wa Aisraele akhwiiwa.

Yesaya 44:3

Kineerohella maaddi veellaponi yawumma, kineereweetiha mihinje muchipululuni. Kineerewaarumihella anaawo munepaaka, kineerokitthiha madaliswaaka va edduullu ddawo.

Deuteronomo 32:2

Ddoohuddiha ddaka ddimore wonanko murimu, mawaaka yimme wonanko nikame, wonanko murimu oorupella vamunyepuni, wonanko enyeenye va ddoophuwa.

Hoseya 14:5

Kinaakhalle wa Israele wonanko nikame, aneerottaphulla malluwa wonanko kakombo, aneeromella misisi wonanko muteekho wa o Lebanoni.

Masalimo 72:6

Aneerokhalla wonanko murimu oorupella m'matani, enyeenye yoorupella ethaya.

Aroma 10:20

Nave Yesaya aallipa murima wunchichi voollotani wi, “Kaaphwanyiwa ni ayo yahikaashille nave kaaddoonihella meekha wa ayo yahikivekille.”

Zekariya 14:8

Nllapo nenno maaddi ookumi eneerokhuma ovenyera o Yerusalemu. Hafu a maaddaayo eniithellelleke mu enyanja ya wookhuma nndduwa, hafu mmodda mu enyanja ya woovollowa nndduwa. Ddenndda ddineereyeke va enthawi yeellimwe navettho yooriirya.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

1 Akorinto 3:6

Miyaano kaamidda mmiddo, Apolo aahellella maaddi nave tti Mulluku eerihalle ddoomella wi ddunnuwe.

Aroma 11:12

Ochimwa wa Aisraele waawiiha madaliso wa athu a va ellapo yavatthi. Nave olephela wiwa waawiiha madaliso wa athu ayo ehiri Aisraele. Ethiyo vano madaliswaayo enaate mwawiidde Aisraelaayo yarukunuwa murima?

Aroma 9:30

Sika ninallota wi athu ayo ehiri Ayuda, ayo yahaashaashille wiilungamiha weekhiiwa vamiitthoni va Mulluku yaalungamihiwa ni olliyooyo oweella mu echikhulupililwiiwa.

Mitteko 16:9

Mahiiyu a nllapo nenno Paulo m'masomphenya amoona muthu a o Masedoniya iimenlle nave amuvekaka wi, “Mullapuwelle o Masedoniya wuno munikavihere hiyaano!”

Mitteko 13:46

Koma Paulo ni Baranaba yaallota moollipa murima wi, “Waari woophwanella wi mawu a Mulluku ellotiwe wa nyuwaano vawaamba. Ekaamba yawi mohaakhoota, mohooniha wi khamunaphwanella okumi woohimalla, nineerewuuhiyani niye wa athu ayo ehiri Ayuda.

Mitteko 11:15

Nave kaambilleemi ollota, Munepa Waweella aakittha va alliwa wonanko mmo eerilleeye va hiyaano vawaamba valle.

Mateyu 28:19

Sika khaweni wa athu a mitundu ddittheddene mwaarukunuse ekhalle oohudderaaka vawaabatizani mu nnddina na Attiitthaaka ni na Mwaana ni na Munepa Waweella.

Mika 2:12

“Koma nyu a nibanja nittheene na Yakobo, kineerewuutthukumanihani. Attheene oohalla a Israele, kineerewuutthukumanihani vamodda wonanko enkhosa munikhollani, wonanko mulloko wa eziweto vamunyepuni viwa. Nipuronno nineeroddalla ni waata wa athu.”

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.

Yowele 2:32

Vano attheene ayo enaawiithane mu nnddina na Apwiya eneerovullusiwa, vawi mu mwaango wa Ziyoni ni mu Yerusalemu muneerokhalla ovullusiwa monga Apwiya yallotilliiwa, ni mwa oohalla ayo Apwiya yawiithanilliiwa.”

Ezekiele 47:1

“Vano muthoolle aakikusella o mullako wa enyumba ya Apwiya. Kaamoona neetuutu akhumaka vatthi va mullako wa enyumba ya Apwiya wookhuma nndduwa vawi enyumbeeyo yaweha wookhuma nndduwa. Waaneeta maaddi vatthi va esiri ya omwera ya enyumba ya Apwiya, omwera wa nikuwa.

Yesaya 66:19

Kineerohiya echizindikiro vamiitthoni viwa. “Koma vineerokhalla amodda oovulluwa ayo kinaawaarumeemi wa athu a mitundu ddimodda wonanko a o Tarishishi, a o Puti, a o Ludi vamodda ni eeruswiiwa dda miira, a o Tubala, o Yavani ni o ellapo ddawoorekama ayo ehiniiweke dda epillaaka apaalle woona ntitimiho naka. Alliwa eneerollalleya dda ntitimiho naka variyari va athu a mitundu ddimodda.

Yesaya 55:10

Murimu ni nakhuttu ddinakittha ovenyera oddullu, kheddihokollweellawo koma ddinahellella ethaya. Ddinnamelliha ni wunnuwiha ddoomella, ddinnaavaha oollima mmiddo ni ddoocha.

Yesaya 32:15

Koma Apwiya eneeronirumihella munepiiwa ovenyera oddullu nave echipululu eneerotthattuwa ellapo ya ethaya yaphaama, emata ddittheddene ddineerewimma ddeko ddinchichi.

Oweeruza 6:36

Gideoni aallota ni Mulluku wi, “Khaya munapaalla wi mwaavulluse Aisraele omweella mwa miyaano.

Mitteko 9:15

Koma Apwiya yaallota wi, “Khawe kaambiiwa koomutthoolla wi akhalle echipangizwaaka, allalleye nnddina naka wa athu ayo ehiri Aisraele ni mamwene ni athu a o Israele.

Zefaniya 3:13

Oohalla a mu Israele khewa yeera yoohilungama, khewa ellotattho ddawoottha, khewa yeerattho ddoolleka. Eneerokhalla vaphaama vamurendelleni, oohikhallavo oyo anaawoopopihe.”

Mika 5:8

Oohalla a Yakobo enaakhalle variyari va mitundu ddinchichi dda athu wonanko mukango variyari va enama ddamuhakani. Anaakhalle wonanko mukango onavira variyari va mulloko wa enkhosa oyo onnaddiphara ni oddikhaddulla, oohikhallavo ooddivullusa.

Ezekiele 14:22

Vakhalla amodda oovulluwa wi yaahoollelle anamwani aallopwana ni aatthiyana yawa wa nyuwaano mwaawehesese wi moone mmo enaakhallellekiiwa ni mmo enaawerellekiiwa. Mirima ddanyu ddineerokeraattheya muupuwella nnddo keerilleemi, ollaka otthewene killakilleemina muzindooyo.

2 Samuele 17:12

Vano hiyaano nineeromuphwanya Davide orive weko nko anaakhalleeyewo nave nineerowanana ekhoto wonanko mmo nikame ninimmelliiwa virive veko. Khaavo naari mmodda anaavulluwe.

Masalimo 133:3

Onakhalla wonanko nikame na o Heremoni, nookitthella o miyaango dda Ziyoni, vawi o Ziyoni Apwiya ennavelleellawo madaliso, okumi wa enthawi yoohimalla.

Miyambo 19:12

Osha murima wa mwene tti wonanko othuruma wa mukango koma oreera murima waye tti wonanko nikame vamanasini.

Daniele 11:32

Mwenooyo aneerewaalleka ni waakopa athu oovevulla echipangano yaweella. Koma athu oomudduwella Mullukwiiwa eneerollipihella nave eneeromukhoota olliye.

Mika 4:7

Oottutthunya kineerewaatthattusa oohalla nave ayo yiikariwe owaniwa kineerewaatthattusa mutundu wamasiva. Mi Apwiya kinaakhalle mweniiwa va mwaango wa Ziyoni ovenyera ollello ophiyera wa enthawi yoohimalla.”

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Ezekiele 5:5

Apwiya Mulluku enallota wi, “Olla tti Yerusalemu. Koomuhiya variyari va mitundu nave aapheelliwe ni ellapo ddimodda.

Mika 4:13

“We Ziyoni, amba wuuputha vawi kineerewuutthattusa amasiva wonanko manyaka amukoko, wonankottho manyallo amukuwa. Oneeronyenya mitundu ddinchichi dda athu nave nnddo yaphuralliiwa oneeroddivelleella wa Apwiya. Eyuumiiwa oneeroyivelleella wa Apwiya a ellapo yavatthi ettheene.”

Zekariya 9:13

Kineeromukunga Yuda wonanko muura wa akhoto, Efuremu sika anaakhalle mpaambiiwa. We Ziyoni, kineerewaakusa anaawo, wi ellipane ni anaawo, we Grisi, wonanko nsupada na akhoto amasiva.”