Mika 5:6 - Mawu a Mulluku

⁶ Alliwa eneerogonjiha ellapo ya Asiriya ni nsupada nave eneerewaakha ellapo ya Nimirodi mwakhoto. Aneeronivullusa wa Aasiriya yavollowa ni ollapuwella mwiillaponi mwahu.

Mika 5:6 ပူးပေါင်းရင်းမြစ်များ

Yesaya 14:25

Kineerowoononga Aasiriya mu ellapwaaka nave kineerewaanyingallella va miyaango ddaka. Sika athwaaka kineerewaarulla nigoli* nno Aasiriya yaawarihalliiwa, katundu oollemella va mathuriiwa.

Luka 1:74

wi aneeronivullusa wa adanaahu, nave nineeromurumeyella moohoova,

Luka 1:71

wi aneeronivullusa wa adanaahu, ovenyera m'mattani mwa attheene ayo enaniita hiyaano.

Zefaniya 2:13

Apwiya eneerotukhullella nnatta niwa ompoto owoononga Aasiriya, muzinda wa Nineve eneerowutthattusa ntepe, wawumma wonanko echipululu.

Nahumu 2:11

Ethiyo vano muzindoolle ori wuuwi? Waari wonanko nikhungu na mikango, mmo asaaniiwa yachelliiwamo, mmo mikango ddittheddene ddakhalliiwamo.

Yesaya 33:1

Otulli wa awoononga, we ohinoonongiweke! Otulli wa awoottottha, we ohinoottotthiweke ni arive muthu! We wahiya woononga oneerewoonongiwa nave wahiya woottottha oneerewoottotthiwa.

Yesaya 14:2

Athu a mitundu ddimodda eneerewaavelleella o ellapo eyo Apwiya yaavahilliiwa. Wenko athwaayo enaakhalle awaarumeyella monga akaporo, aallopwana ni aatthiyana. Aisraele eneerewaaphara okaporo athu ayo khalle yaari apwiiwa ni waalamulella ayo khalle yaahoosa.

2 Epilli 33:11

Sika ekaambiiwa Apwiya yaarumalliiwa oohoollella akhoto a mwene a o Asiriya ayo yamphanre Manase emukola mphunani, emmaka ni onyolo, emuyaana o Babiloni.

2 Mamwene 15:29

Enthawi ya Peka mwene a o Israele, Tigilati Pilesere mwene a o Asiriya aagonjiha mizinda dda Iyoni, Abele Beti Maaka, Yanowa, Kedeshi, ni Hazori navettho ellapo dda Giliyadi, Galileya ni ellapo ettheene ya Nafutali. Nave ahaaphara athu attheene aayaana o Asiriya wuukaporoni.

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.

Yesaya 37:36

Mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

Yesaya 37:37

Vano Senakeribu mwene a o Asiriya aatimulla ahokollweella owaniwa aya akhalla o Nineve.

Deuteronomo 32:2

Ddoohuddiha ddaka ddimore wonanko murimu, mawaaka yimme wonanko nikame, wonanko murimu oorupella vamunyepuni, wonanko enyeenye va ddoophuwa.

1 Epilli 1:10

Kushi aamuyarattho Nimurodi. Nimurodi sika aari akhoto amasiva awaamba va ellapo yavatthi ettheene.

Yobu 29:22

Kallota kheyaakhalla ni yoollota, mawaaka yaanaaphara murima.

Masalimo 72:6

Aneerokhalla wonanko murimu oorupella m'matani, enyeenye yoorupella ethaya.

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

Yesaya 6:13

Naari echigawo yaneekhumi ya athu ehanlle mwiillaponimmo, elliwattho eneerohelliwa munllo. Koma wonanko miteekho dda mwaaka ni dda muthundu ddinahiyeriwiiwa nikoto ddakakathiwa, emoddamoddave yeeyo mmiddo woopatuleya oneerohalla mu ellapo.”

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Zefaniya 3:12

Variyari vanyu kineerewaahiya awiiyeviha ni ookittha, alliwa eneerewaasha voothawellavo mu nnddina na Apwiya.