Mika 5:5 - Mawu a Mulluku

⁵ Olliye sika anaakeraatthihe murendelle. Aasiriya eneerovollowa mwiillaponi mwahu ni waamba onihella ekhoto. Vano hiyaano nineerewaarumiha oolamulella atthanu ni eelli apaalle enduna tthanu ni raru.

Mika 5:5 ပူးပေါင်းရင်းမြစ်များ

Luka 2:14

“Ntitimiho nikhalle wa Mulluku Muullupalli, nave murendelle okhalle va athu ayo anahakallalleeyena vatthimva!”

Zekariya 10:3

Kohaashella murima abusa nave kineerewaallaka oohoollella a mwiillaponimmo. Koma mi Apwiya Amasiva Mattheene kineerohoollella enkhosa ddaka, nibanja na Yuda nave kineerodditthattusa wonanko akavalo akhoto amasiva.

Yohane 14:27

“Kinuuhiyerani nyuwaano murendelle; murendellaaka kinuuvaheemini. Nginuuvahani nyuwaano wonanko mmo ellapo yavatthi enavahelliiwa. Sika muhikhupanyeke navettho muhooveke.

Zekariya 9:10

Apwiya enallota wi, “Kinerewaavenyihawo magareta akhoto o Efuremu, kineerewaakusawo akavalo o Yerusalemu, miira ddakhoto ddineerokotholliwa. Mwenaawo eneerokeraatthiha murendelle variyari va mitundu dda athu. Aneerekolamulella ovenyera o enyanja emodda ophiya o enyanja emodda, ovenyerattho o muhinje wa Yufurate ophiya o makomello a ellapo yavatthi.”

Oollalleya 11:2

Kawa eyuuma ezigawo dditthanu ni piilli apaalle dditthanu ni raru vawi khonadduwella otulli oyo onaamore vatthimva.

Yobu 5:19

Erive enthawi eneerewuuvullusa o ddoohoosa, ddaateve mwawiidde, khotikheya.

Yawuupullulla 19:14

Akhoto ooddullu yaamuthwara, ewenlle akavalo aweella nave ewanre ekuwo ddaweellesesa.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Zekariya 12:6

“Nllapo nenno oohoollella a Yuda kineerewaatthattusa wonanko ninkhalla noottotthowa variyari va ekhuni, wonanko mutthiko wookhara variyari va mitolo dda tirigu. Eneerewoosa mitundu dda athu ddittheddene ddoowaapheella, onnattanatta ni wuunyotthoni koma athu a o Yerusalemu enaakhalleve mwamurendelle m'muzindani mwiwa.

Zekariya 9:13

Kineeromukunga Yuda wonanko muura wa akhoto, Efuremu sika anaakhalle mpaambiiwa. We Ziyoni, kineerewaakusa anaawo, wi ellipane ni anaawo, we Grisi, wonanko nsupada na akhoto amasiva.”

Amosi 1:6

Apwiya enallota wi, “Ekaamba ya ddoolakwa ddiraru dda athu a o Gaza apaalle ddisese, ngihiya omullaka. Vawi yaawuphara okaporo mutundu muttheene wa athu eyaana o Edomu.

Amosi 1:3

Apwiya enallota wi, “Ekaamba ya ddoolakwa ddiraru dda athu a o Damasiko apaalle ddisese, ngihiya omullaka. Yahaahoosa Agiliyadi wonanko omuuputha tirigu ni mikoko.

Yeremiya 33:15

Mallapo yaayo navettho va enthawi yeeyo, kineeromuphuwihella Davide enthambi yoolungama oyo aneere ddaphaama ni ddoolungama mu ellapo ettheene.

Yesaya 65:8

Apwiya enallota wi, “Vinyo akhallamove mu mpesa athu ennallota wi, ‘Muhoononge vawi ddooddiva ddookhallamove.’ Emoddamoddave yeeyo miyaano kineeroweerella athwaaka, ngiwoononga attheene.

Yesaya 59:19

Sika athu eneerewoova nnddina ni ntitimiho na Apwiya ovenyera wookhuma nndduwa ophiyera woovollowa nndduwa. Apwiya wonanko muhinje woothamaka wookakhiwa ni ephevo.

Yesaya 44:28

Mi sika kinallota dda Kirusi wi ‘Olliye tti mbusaaka, aneereweera ddittheddene kinapaalleemi. Aneerolamula wi Yerusalemu amakiwettho, wi matthipello a enyumbaaka ekeraatthihiwe.’ ”

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Miyambo 30:29

Vookhalla ddiraru apaalle ddisese ddineeta mookotella monga

Miyambo 30:18

Vookhalla ddiraru nnddo ddikimallihalle ezeru naari ddisese kihinaddiiweseseemi monga

Masalimo 72:7

Va mallapwaaye echilungamo eneerewunnuwa, murendelle oneerewaata ophiyera mweeri ohiyalle owala.

Miyambo 6:16

Ddeko dditthanu ni emodda apaalle dditthanu ni piilli nnddo Apwiya eniitananiiwa nave ehiniiwananiiwana tti

Yesaya 14:25

Kineerowoononga Aasiriya mu ellapwaaka nave kineerewaanyingallella va miyaango ddaka. Sika athwaaka kineerewaarulla nigoli* nno Aasiriya yaawarihalliiwa, katundu oollemella va mathuriiwa.

Zekariya 10:11

Voollapuwani enyanja ya ddoohoosa, kineeromaalliha mafunde a va enyanjeeyo, maaddi mattheene a mu Nailo eneerowelleella. Wiitukhulla wa Asiriya oneeromalla, ekopo yoomwene ya Iguputo eneerokothowa.