Mika 5:13 - Mawu a Mulluku

¹³ Kineerewoonongattho mafanwaanyu mattheene vamodda ni apoto oopatuleya mwiillaponi mwanyu. Khamullapellakattho ddeko nnddo mwapangilleenyu ni mattaanyu.

Mika 5:13 ပူးပေါင်းရင်းမြစ်များ

Ezekiele 6:9

Vano oovulluwa mwa nyuwaano eneerokuupuwella variyari va athu a mitundu ddimoddaayo nko enaapharelliiwawo okaporo. Kineerewaamoriha ethakaraka nave kineerewaawulliha muru ekaamba ya ohiroromelleya wiwa nave owukila wiwa wulle ekaamba yoohiya murimiiwa va mafano. Ddineerewaananara aneeniiwa vawoonanani ddoonanara ddittheddene nnddo yeerilliiwa vamodda ni ddaweera ddiwa ddoonanara.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Zekariya 13:2

Navettho nllapo nenno kineerewoononga manddina a mafano mwawi khewa yuupuwelleyattho. Kineerewaavenyihamottho mwiillaponi anamallotella vamodda ni munepa wooripiha. Mi Apwiya Amasiva Mattheene koollota.

Hoseya 14:8

Ethiyo Aefuremu enaaweerena tini mafano? Tti miyaano kiniiwa ovekella wiwa ni waapwatha. Kiri wonanko mukunguza woophuwa enthawi ettheene tti miyaano kinaavaha ezipaso.”

Hoseya 14:3

Asiriya khanivullusa, akavalo akhoto kheniteteza. Eyo nayipangilleehu ni mattaahu khaniwa niyiromolla wi, ‘Milluku ddahu.’ Vawi tti nyuwaano munaweerella echifundo anaamukhwelle.”

Ezekiele 37:23

Kheyiiripihattho ni mafanwiiwa ni ddeko ddimodda ddoonanara apaalle ni ddirive ddoochimwa ddiwa ddittheddene. Koma kineerewaavullusa o machimwiiwa mattheene nave kineeroweelliha. Vano alliwa eneerokhalla athwaaka nave miyaano kineerokhalla Mullukwiiwa.

Yesaya 2:8

Ellapwiiwa tti yooddalla ni mafano vawi alliwa enallapella ddeko ddoopangiwa ni woopiwa ni mattiiwa.

Yawuupullulla 9:20

Athu attheene oohalla ayo ehiniiphiwe ni millillinndde kheyaahiyalle mafano yapangilliiwa ni mattiiwa. Kheyaahiyalle ollapella minepa ddoonanara naari mafano agolide, asiliva, amukuwa, malluku ni miteekho ayo ehinawora woona wiiwa apaalle weeta.

Oweeruza 18:17

Vano athu atthanu ayo yaari ezondille ellapweeyo yaavollowa mpammo ekusamo efodi, mafano oosema ni a mikoko ni mafano mamodda ooromolliwa terafimu. Enthawi yeeyo mullupa mukuthoolle aari iimenlle va mullako ni akhoto 600 ookhalla ni ezida ddakhotwaalle.

Yesaya 2:18

Nave mafano mattheene eneerotthollosiwa.

Hoseya 10:2

Murimiiwa tti wawoottha sika eneerollakiwa ekaamba ya machimwiiwa. Apwiya eneerokumulla makuwiiwa nave eneerowinttaka apoto oopatuleya.

Nahumu 1:14

Nyu a o Ninive, Apwiya aalamula wi, “Khamuwa mukhallaka ni edduullu ddooromolliwa nnddina nanyu. Kineerewoononga mafano oosema ni awoopa mu enyumba ya milluku ddanyu, kineerewuukatellani mahame vawi khamunna mutteko.”

Zefaniya 1:4

Kineerotukhulla nnatta naka wi kaallake athu a mu Yuda ni a mu Yerusalemu. Kineerewoononga ddittheddene ddoohalla dda Baala va nipuro nenna. Khaavo oyo anaawuupuwellettho allupa mukutho a nifanonno.

Yesaya 27:9

Sika machimo a Israele eneerokhululukelliwa nave eneerewooniha olapa wawoona vookumullani malluku mattheene a makuwa eelleto ni waatthattusa nthupi nave vano khavikhallattho makuwa eelleto a lubani* ni mafano a Asherimu.

Ezekiele 16:41

Eneerohella munllo enyumba ddawo nave eneerewuullaka vaweella atthiyana anchichi yoonaka. Oraruwa wawo onaamallelle vaavo nave khowa waallivellattho awuukondaawo.