Mika 4:6 - Mawu a Mulluku

⁶ Apwiya enallota wi, “Va nllapo nenno kineerewaatthukumaniha oottutthunya, awiikariwa owaniwa navettho ayo kaallakilleemi.

Mika 4:6 ပူးပေါင်းရင်းမြစ်များ

Zefaniya 3:19

Enthawi yeeyo kineerewaallaka awuunyingallella attheene. Kineerewaavullusa oottutthunya ni waatthukumaniha oopallalleya attheene. Kineerotthattusa owullihiwa muru wiwa okhalla oriihiwa nave ellapo ettheene yavatthi eneerewaavaha olemu.

Yohane 10:16

Nave kookhallattho ni enkhosa ddimodda ddoohikhalla dda nikhollanna. Kinaphwanella kiddikusettho ddenndda nave ddineerewiiwa mawaaka. Ddineerokhalla mulloko mmodda ni ddimoddannddo ni mbusa mmodda.

Yesaya 56:8

Apwiya Mulluku ayo enaatthukumaniha Aisraele oopallalleya enallota wi, “Kineerewaatthukumaniha athu amodda woonjerera va ayo yatthukumanille khalle.”

Masalimo 147:2

Apwiya ennamumakattho Yerusalemu, ennaatthukumaniha Aisraele oopallalleya.

Luka 19:10

Mi, Mwaana a Muthu, kawiille wi kiwaashaashe ni waavullusa athu oohollowa.”

Mika 2:12

“Koma nyu a nibanja nittheene na Yakobo, kineerewuutthukumanihani. Attheene oohalla a Israele, kineerewuutthukumanihani vamodda wonanko enkhosa munikhollani, wonanko mulloko wa eziweto vamunyepuni viwa. Nipuronno nineeroddalla ni waata wa athu.”

Ezekiele 36:24

Kineerewuukhumihani variyari va mitundu ddimodda, kineerewuutthukumanihani ovenyera o erive ellapo nave kineerewuuhokollosellani mu ellapwaanyu.

Yeremiya 31:8

Kineerewaakhumiha ovenyera o ellapo ya ompoto, kineerewaatthukumaniha ovenyera wookomella ellapo yavatthi, oohoona ni oorakalla, atthiyana eerukullu ni a va enthawi yooyara. Onaakhalle mulloko muullupalli wa athu oohokollweella wuno.

Yeremiya 3:18

Mallapo yaayo nlloko na Yuda ottakanyiherana ni nlloko na Israele. Attheene vamodda eneerovenyera o ya ompoto oya o ellapo kaavahilleemi makhollwiiwa wi ekhalle yayiwayayiwa.”

Masalimo 38:17

Kiri vakhuviru wiikuha kinniiwa ovoreya enthawi ettheene.