Mika 4:2 - Mawu a Mulluku

² athu a mitundu ddinchichi eneeroowa, ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.”

Mika 4:2 ပူးပေါင်းရင်းမြစ်များ

Yesaya 2:3

Athu a mitundu ddinchichi eneeroowa ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.

Yeremiya 31:6

Enthawi eneerophiya yawi alonda oomiyaangoni dda Efuremu enaakhuwiiwa wi, ‘Hankoni niye o Ziyoni, wa Apwiya Mullukwaahu!’ ”

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Yesaya 54:13

Anaawo attheene eneerohuddihiwa ni mi Apwiya, kineerewaadalisa ni waavaha murendelle munchichi.

Masalimo 25:12

Ttaani anawoova Apwiya? Yooyo Apwiya eneeromuhuddiha ettilla yawi ayithware.

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

Aroma 15:19

ni masiva a ezizindikiro ni ddoottikhiniha navettho ni masiva a Munepa Waweella. Sika vano koollalleya othenga waphaama wa Khrisitu ovenyera o Yerusalemu ophiya o Iliriko.

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Mariko 16:20

Oohuddera yaavenya enallalleya virive veko. Nave Apwiya yaapharana mutteko vamodda nave yaanasimikizella ddoollalleya ddiwa wi tti ddawoona vaweerani ddoottikhiniha.] [

Zekariya 14:16

Vatulli viwa athu attheene oohalla a mitundu nndde ddawana ni Yerusalemu eneerekowa vamuyakhani omullapella mwene Apwiya Amasiva Mattheene navettho eneerekeweera Ehakallallo Ya Misasa.

Mitteko 13:42

Paulo ni Baranaba yakhumiiwa mu enyumba yamavekello, athu yaawiithana wi yawe va nllapo na Sabata noothwarellellanno wi yaalleellettho dda ddeko ddenndda.

Yohane 6:45

Anamallotella yaalemba wi, ‘Arive muthu aneerohuddihiwa ni Mulluku.’ Muthu oyo iiwalle wa Attiitthaaka nave ahuddera wa alliwaayo, annawa wa miyaano.

Deuteronomo 6:1

“Vano alla tti malamulo ni malangizo mattheene ayo Apwiya Mullukwaanyu yakilamulalliiwa wi kuuhuddiheni. Nyuwaano ni edduullu ddanyu muthwareke ddenndda mu ellapo eyo munaavolloweenyumo ni waakha.

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Masalimo 110:2

Apwiya eneerowunnuwiha omwenaawo wamasiva ovenyera o Ziyoni. “Khalla mwene owaalamulella adanaawo.”

Masalimo 119:1

Oodala tti ayo meetellwiiwa ehinna yoochimwa, ayo eneeta moothwara malamulo a Apwiya.

Masalimo 119:171

Vayanoni vaka vineerewuutitimihani kaambiiwa munnakihuddiha malamulwaanyu.

Masalimo 122:1

Kaahakallalla yakilleelliiwa wi, “Hankoni o enyumba ya Apwiya.”

Yesaya 56:7

“Kineerewaaphiyiha o Ziyoni, mwaangwaaka wootthoolliwa. Kineerewaavaha ehakallallo mu enyumbaaka yamavekello. Mikutho ddiwa ddawoosa ni mikutho ddiwa ddimodda kineeroddaakhella va nikuwa naka. Valle enyumbaaka eneeroromolliwa enyumba yoovekellamo athu a mitundu ddittheddene.”

Yeremiya 42:3

Muvekelle wi Apwiya Mullukwaanyu enilleelle nko ninaphwanelleehu oyaawo ni nnddo ninaaweereehu.”

Zekariya 9:10

Apwiya enallota wi, “Kinerewaavenyihawo magareta akhoto o Efuremu, kineerewaakusawo akavalo o Yerusalemu, miira ddakhoto ddineerokotholliwa. Mwenaawo eneerokeraatthiha murendelle variyari va mitundu dda athu. Aneerekolamulella ovenyera o enyanja emodda ophiya o enyanja emodda, ovenyerattho o muhinje wa Yufurate ophiya o makomello a ellapo yavatthi.”