Mika 4:13 - Mawu a Mulluku

¹³ “We Ziyoni, amba wuuputha vawi kineerewuutthattusa amasiva wonanko manyaka amukoko, wonankottho manyallo amukuwa. Oneeronyenya mitundu ddinchichi dda athu nave nnddo yaphuralliiwa oneeroddivelleella wa Apwiya. Eyuumiiwa oneeroyivelleella wa Apwiya a ellapo yavatthi ettheene.”

Mika 4:13 ပူးပေါင်းရင်းမြစ်များ

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Yesaya 23:18

Koma mphurweene ni mallivellweene ddinaavelleelliwe wa Apwiya. Kheddisungiwa apaalle ohiyiwa koma ddinaavelleelliwe wa oorumeyella a Apwiya wi ekulle ddoocha ddinchichi ni ddoowara ddooreera.

Yesaya 18:7

Va enthawi yeeyo, athu eneerowaana ddoovelleella ddiwa wa Apwiya Amasiva Mattheene. Alla enaakhalle athu oorekama ni awoollowa mwiilli nave awooviwa ni athu avakhuviru ni awoorekama, mutundu wamasiva ni woogonjiha mitundu ddimodda, athu ayo ellapwiiwa tti yookawaneya ni mihinje. Ddoovelleellanndda eneerowaana o mwaango wa Ziyoni, nipuro na nnddina na Apwiya Amasiva Mattheene.

1 Akorinto 16:2

Nirive Nllapo Namulungu arive muthu anyuwaano akuseke makobiri mamodda moollikana ni mmo muphwanyelleenyu nave musunge wi vihikhalle opaalleya ovelleella makobiri kaawaaka.

Zekariya 6:5

Olliye aakaakhulla wi, “Ddenndda ddinattaphullella ephevo ddisese ddoovenyera vamiitthoni va Apwiya a ellapo yavatthi ettheene.”

Zekariya 4:14

Sika aallota wi, “Alla tti athu eelli ayo Mulluku aatthoollilleeye ni waazoza wi emurumeyelle olliye, Apwiya a ellapo ettheene.”

Yeremiya 51:33

Babiloni ari wonanko voomuuputhella tirigu va enthawi yoomuuputha. Nave naanweene vaava enthawi yoohata eneerophiya. Mi Apwiya Amasiva Mattheene, Mulluku a Israele, koollota.”

Masalimo 68:29

ovenyera o enyumbaanyu ya o Yerusalemu, nko mamwene ennawiiwa ni emphaso wa nyuwaano.

Yoswa 6:19

Koma ddittheddene ddasiliva ni ddagolide navettho ezipangizo ddittheddene ddamukuwa ni ddamikoko ddikhalle ddoopatuleya dda Apwiya, ddiye moosungellamo eyuuma ya Apwiya.”

Yesaya 5:28

Mipaamba tti ddootthokowa nave miira ddiwa ddookhozeka. Manyallo a akavalwiiwa tti oollipa wonanko nlluku nave magaretiiwa tti oothamaka wunchichi wonanko ephevo ya namangalle.

Masalimo 72:10

Mamwene a o Tarishishi ni a o ezilumba eneerowaana mituka navettho mamwene o Sheba ni o Seba eneerowaana emphaso.

Deuteronomo 33:25

Ateteziwe ni millako ddamukoko, akhalle amasiva mallapwaaye mattheene.”

Yesaya 21:10

Sika abalaaka Aisraele, nyu awuuputhiwa ni ooveethiwa wonanko tirigu, vano kohuulleellani othenga oyo kiiwalleemi wa Apwiya Amasiva Mattheene, Mulluku a Israele.

Yeremiya 51:20

We Babiloni tti hamalaaka, echidaaka yakhoto. Ni weyaano kinnaphwinya mitundu dda athu, kinnawoononga mamwene.

Hoseya 10:11

Khalle Efuremu aari wonanko eng'ombe yoohuddihiwa phaama eyo yamuuputhesa tirigu. Vano mu nikohi niwa nooreera koohiyamo nigoli.* Kinapaalla wi Yuda atipuleke nave Yakobo apweseke mallokotomwa.

Habakuku 3:12

Mwaheeteeta va ellapo yavatthi mushille murima, mwaanyingallella mitundu dda athu moowalli.

Masalimo 24:1

Ellapo yavatthi ni ddittheddene ddiri mwemmo tti dda Apwiya, ellapo yavatthi ni athu ookhalla mwemmo tti ayiwa.

Mika 5:7

Oohalla a Yakobo enaakhalle variyari va mitundu ddinchichi dda athu wonanko nikame noovenyera wa Apwiya. Enaakhalle wonanko murimu oorupella vamanasini moohiselliwa vawi khanatiyera olamuliwa ni muthu.

Zekariya 12:3

Nllapo nenno kineeromutthattusa Yerusalemu nlluku noollemella wunchichi wa mitundu ddittheddene dda athu. Attheene enaaheye otukhulla nineerewaavoreya wunchichi nave mitundu ddittheddene dda va ellapo yavatthi ddineerotthukumana vamodda wi ddillipanena.

Zekariya 12:6

“Nllapo nenno oohoollella a Yuda kineerewaatthattusa wonanko ninkhalla noottotthowa variyari va ekhuni, wonanko mutthiko wookhara variyari va mitolo dda tirigu. Eneerewoosa mitundu dda athu ddittheddene ddoowaapheella, onnattanatta ni wuunyotthoni koma athu a o Yerusalemu enaakhalleve mwamurendelle m'muzindani mwiwa.