Mika 3:1 - Mawu a Mulluku

¹ Ngiiwani, nyu oohoollella a nibanja na Yakobo, oolamulella a nibanja na Israele! Ethiyo nyu khamuphwanenlle odduwella echilungamo?

Mika 3:1 ပူးပေါင်းရင်းမြစ်များ

Hoseya 5:1

Nyu allupa mukutho, apellani maaru! Nyu Aisraele attheene, iwani. Nyu a mu nibanja noomwene, reyaani naaru! Mawaaka oollaka eneerewuumorellani ekaamba yawi nyuwaano mwakhanlle wonanko mullapa o Mizipa apaalle mureyille nthavi o mwaango wa Tabori.

Yesaya 1:10

Vano nyu oolamulella a o Sodomu, iwani mawu a Apwiya. Nyu a o Gomora, apellani maaru nnddo Mullukwaahu anuuhuddiheeyeni.

1 Akorinto 6:5

Muwulliwe muru! Ethiyo vookhalla muthu mmodda eezeru variyari vanyu oyo anaawore weeruza mullatu variyari va ookhulupilila?

Amosi 4:1

“Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.

Masalimo 14:4

Ethiyo oonanaraalla kheniiwesesa? Ennaamirya athwaaka wonanko yoocha, khenaallapella Apwiya.

Deuteronomo 16:18

“Mwaatthoolleke aweeruza ni attekweene mu nirive nlloko ni nirive nipuro Apwiya Mullukwaanyu enuuvahiiwani. Athu yaalla yeeruzeke moohiweha ekhove.

Ezekiele 9:9

Mulluku ahaakhulla wi, “Ochimo wa Aisraele ni Yuda tti wuullupalli wunchichi. Ellapo yooddalla ni ddawiipha nave muzinda wooddalla ni ddoohilungama. Athu enallota wi, ‘Apwiya khenanoona! Apwiya aayihiya ellapweella!’ ”

Ezekiele 34:2

“We mwaana a muthu, llalleya mawu awaavaanyiha abusa a Aisraele. Llotella nave llota waalleelle wi, ‘Nnddo enallota Apwiya Mulluku tti ddawi, otulli wa nyu abusa a Aisraele, nyu muniipwatha nyookha. Ethiyo keesa abusa enaphwanella opwatha enkhosa?

Mika 2:13

Oyo anaphovolla esiri annahoollella nave attheene ennakhumella vaavo. Mweniiwa, Apwiya mwaneeniiwa, sika anaakhalle awaamba nave eneerewaahoollella.

Nehemiya 13:17

Vaavo kahaahumullulla oohoollella a mu Yuda nave kahaakoha wi, “Ethiyo yoonanara muneerenyweella tti tini, oripiha nllapo na Sabata?

Yesaya 10:2

Alliwa ennahollosa malamulo vaweeruzani oohoowa moohilungama. Ennawaakha ddawaaphwanella athwaaka nave ennatthukumaniha dda anaamukhwelle ni owiiyera akhwaadduni.

Ezekiele 22:6

“Ngoona mmo enduna ddawo ddinawiiphelliiwa athu voopharihani mutteko masiviiwa.

Ezekiele 34:3

Munnawirya mukaka, munnawara dda obweya nave munniipha enama ddooneneva koma woohiddipwatha enkhosa.

Amosi 6:1

Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.