Mika 2:13 - Mawu a Mulluku

¹³ Oyo anaphovolla esiri annahoollella nave attheene ennakhumella vaavo. Mweniiwa, Apwiya mwaneeniiwa, sika anaakhalle awaamba nave eneerewaahoollella.

Mika 2:13 ပူးပေါင်းရင်းမြစ်များ

Yesaya 52:12

Koma olendoolla khamutimulla mwawaakuva, khamutimulla moothawa. Apwiya eneeteke vahoollo vanyu, Mulluku a Israele aneereke wuutetezani otulli wanyu.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

Yawuupullulla 7:17

Vawi mwaanaankhosa oyo ari vahoollo vampandoni woomwene sika anaakhalle mbusiiwa nave aneerewaahoollella ori aneetuutu amaaddi ookumi. Nave Mulluku aneerewaavutta miitthori ddittheddene m'miitthoni mwiwa.”

Aheberi 6:20

Yesu aahoolla avollowamo ekaamba ya hiyaano navettho olliyooyo sika ari mullupa mukutho muullupalli wa enthawi yoohimalla wonanko Melkizedeki.*

Zekariya 10:12

Kineerewaallipiha athwaaka, eneereweeta moollapella mu nnddina naka, mi Apwiya koollota.”

Hoseya 1:11

Athu a o Yuda ni o Israele aneerewaatthukumanihattho vamodda nave eneeromutthoolla oohoollella mmodda. Vano eneerokhuma mwiillaponi mwiwa vawi nllapo na Yezireele ninaakhalle nllapo nuullupalli.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Yesaya 55:4

Mudduwelle wi kaamutthoolla wi akhalle mbonaaka wa mitundu dda athu wi akhalle owahoollella ni owaalamulella athu anchichi.

Yesaya 42:7

Oneerewaahulla miittho athu oohoona, oneerewaattaphulla oomakiwa, oneerewaakhumiha ookhalla mwiipiphini.

Hoseya 13:14

Ethiyo kaavulluse wa ookhwa, kiwoopolla wuukhwaani? We okhwa, mullillaawo ori wuuwi? Ethiyo mahame, woononga wawo ori wuuwi? Athu yaalla ngiweerellattho echifundo.

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Yesaya 51:12

Apwiya enallota wi, miyaano meekhaaka sika kinuukhurumusani murima. Ethiyo nyu ttaani wi mumooveke muthu oyo anaakhwe, mwaana a muthu ookhalla enthawi yooyeva wonanko manasi?

Mika 2:12

“Koma nyu a nibanja nittheene na Yakobo, kineerewuutthukumanihani. Attheene oohalla a Israele, kineerewuutthukumanihani vamodda wonanko enkhosa munikhollani, wonanko mulloko wa eziweto vamunyepuni viwa. Nipuronno nineeroddalla ni waata wa athu.”

Mika 3:1

Ngiiwani, nyu oohoollella a nibanja na Yakobo, oolamulella a nibanja na Israele! Ethiyo nyu khamuphwanenlle odduwella echilungamo?

Eksodo 14:19

Vano mungelo a Mulluku, oyo aahoollella Aisraelaalle aaya akhalla otulli wiwa. Nave opoto amurapo oyo akhallesa vahoollo viwoolle, aaya akhallattho mutulli mwiwa.

Yoswa 3:6

Osaka wene Yoswa ahaalleella allupa mukutho wi, “Tukhullani nibokosi na echipangano na Apwiya, mullapuwe, mwaahoollelle athwaayo.” Alliwaayo yaheera moollikana ni mmo Yoswa allotelleeye.

Hoseya 2:2

“Mumuhumullulle meenyu, mumuhumullulle vawi khe mwaaraka nave miyaano ngihiyottho mamune. Mumuhumullulle wi ahiye oraruwa, ezibwenzi ddaye addivenyihe vamirimani vaye.

Mika 4:7

Oottutthunya kineerewaatthattusa oohalla nave ayo yiikariwe owaniwa kineerewaatthattusa mutundu wamasiva. Mi Apwiya kinaakhalle mweniiwa va mwaango wa Ziyoni ovenyera ollello ophiyera wa enthawi yoohimalla.”