Mika 2:12 - Mawu a Mulluku

¹² “Koma nyu a nibanja nittheene na Yakobo, kineerewuutthukumanihani. Attheene oohalla a Israele, kineerewuutthukumanihani vamodda wonanko enkhosa munikhollani, wonanko mulloko wa eziweto vamunyepuni viwa. Nipuronno nineeroddalla ni waata wa athu.”

Mika 2:12 ပူးပေါင်းရင်းမြစ်များ

Ezekiele 36:37

“Mi Apwiya Mulluku kinallota wi, ‘Kineerowaakhullellattho Aisraele wi ekiveke nnddo enapaalliiwa wi kiweerelle. Kineerewaaruuwiha athwiiwa wonanko enkhosa.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Mika 7:14

Nyu Apwiya, ahoollelleni athwaanyu ni ekopwaanyu, weherani enkhosa dda yoohallanaanyu. Vano ddinakhalla weekhiiwa muutthakoni variyari va ellapo ya ethaya yaphaama. Koma muddaakhullelle wi ddache munyepu waphaama, o Bashani ni Giliyadi, monga mallapo akhalle.

Mika 5:7

Oohalla a Yakobo enaakhalle variyari va mitundu ddinchichi dda athu wonanko nikame noovenyera wa Apwiya. Enaakhalle wonanko murimu oorupella vamanasini moohiselliwa vawi khanatiyera olamuliwa ni muthu.

Amosi 1:12

Sika kineerorumiha munllo o muzinda wa Temani, munllooyo oneeroshellelliha mipanda ddoollipa dda Bozira.”

Hoseya 1:11

Athu a o Yuda ni o Israele aneerewaatthukumanihattho vamodda nave eneeromutthoolla oohoollella mmodda. Vano eneerokhuma mwiillaponi mwiwa vawi nllapo na Yezireele ninaakhalle nllapo nuullupalli.

Ezekiele 37:21

Vano waalleelle wi mi Apwiya Mulluku kinallota wi, kineerowiithana Aisraele ovenyera omapuroni wiwa a okaporo variyari va athu a mitundu ddimodda. Kineerewaatthukumaniha ovenyera o embali ddisese ddittheddene ni waahokollosella o ellapo yoowaniwa.

Ezekiele 34:31

Nyuwaano tti enkhosa ddaka, nnddo kinaddichiheemi nave miyaano tti Mullukwaanyu. Mi Apwiya Mulluku koollota.

Ezekiele 34:22

Koma kineeroddivullusa enkhosa ddaka nave ngaakhullella wi ddittakhuniwe. Kineereweeruza variyari va enkhosa ni enkhosa ekhwiiwa.

Ezekiele 34:11

Mi Apwiya Mulluku kinallota wi, “Vano enkhosa ddakannddo kineeroddaashaasha mwaneenaaka nave kineeroddipwatha.

Yeremiya 23:3

Nave kineerotthukumaniha eziweto ddaka ddoohalla ovenyera o ellapo ddittheddene kaddiikarelleemiwo. Kineeroddihokollosella o nibusa noowaniwa nave ddineerorellana ni waata.

Yesaya 34:6

Nsupada na Apwiya noovona nikhame nave noomarelliwa makhura. Nikhame nene tti wonanko na anamwani a enkhosa ni a epuri nave makhureene tti wonanko a apellepetu a anankhoro a enkhosa. Vawi Apwiya aakhalla ni mukutho mu muzinda wa Bozira, sika wi wiiphiwa wa athu anchichi mu o Edomu.

Yesaya 27:12

Nyu athu a o Israele, Apwiya eneerewaatthukumaniha athwiiwa mmoddammodda ovenyera o Yufurate ophiya o muhinje wa o Iguputo.

Yesaya 11:11

Nllapo nenno Apwiya eneerottaphurusa mattiiwa waneepiilli wi ewoopolle athwiiwa oohalla o Asiriya, o Iguputo, o Patirosi, o Kushi, o Elamu, o Babiloni, o Hamati ni va ezilumba dda mu enyanja.

Yeremiya 3:18

Mallapo yaayo nlloko na Yuda ottakanyiherana ni nlloko na Israele. Attheene vamodda eneerovenyera o ya ompoto oya o ellapo kaavahilleemi makhollwiiwa wi ekhalle yayiwayayiwa.”

Genesis 36:33

Bela akhwille, Yobabu mwaana a Zera a o muzinda wa Bozira aavollowa omwene munipuroni mwaye.

Yesaya 5:17

Sika anamwanankhosa eneerocha vaavo wonanko vabusani viwa nave asaanaapuri eneerocha m'matepeni.

Mika 2:13

Oyo anaphovolla esiri annahoollella nave attheene ennakhumella vaavo. Mweniiwa, Apwiya mwaneeniiwa, sika anaakhalle awaamba nave eneerewaahoollella.

Mika 4:8

Vano we Ziyoni, nttattha nooteteza enkhosa ddaka, mwaango wa athwaaka, omwenaawo wakhalle oneerohokollowa, omwene wa mwaana aamutthiyana a Yerusalemu.

Mika 5:8

Oohalla a Yakobo enaakhalle variyari va mitundu ddinchichi dda athu wonanko mukango variyari va enama ddamuhakani. Anaakhalle wonanko mukango onavira variyari va mulloko wa enkhosa oyo onnaddiphara ni oddikhaddulla, oohikhallavo ooddivullusa.

1 Epilli 1:44

Bela akhwille, Yobabu mwaana a Zera a o muzinda wa Bozira aavollowa omwene munipuroni mwaye.

Ezekiele 34:13

Kineeroddikhumiha variyari va mitundu dda athu, kineerodditthukumaniha ovenyera o ellapo ddimodda nave kineeroddihokollosella o ellapwiiwa. Kineerekoddichiha o miyaango dda o Israele vakhuviru ni mihinje ddiwa ni mapuro mattheene aphaama nko onakhalla athu.

Zefaniya 3:20

Enthawi yeeyo kineerewuutthukumanihani nave kineerewuuhokollosellani owaninyu. Kineerewuutthattusani athu oovuwa ni ooriiheya variyari va mitundu ddittheddene dda athu a va ellapo yavatthi, kineerewuuhokollosellani ddaphaama mwiikimoona. Mi Apwiya koollota.”