Mika 1:7 - Mawu a Mulluku

⁷ Mafanwaaye mattheene kineerewaanyenyanyenya nave ddoovelleella ddaye ddittheddene dda mahule ddineerotathillelliwa m'munlloni. Mafanwaaye mattheene kineerowoononga. Emphaso ddaye aakhenlleeye ovenyera wa mahule, amoddattho eneeroddiphariha mutteko voollivellani mahule.”

Mika 1:7 ပူးပေါင်းရင်းမြစ်များ

Deuteronomo 23:18

Makobiri mattheene oophwanyeya mu ettilla ya ohule waweereya ni mullopwana apaalle mutthiyana, muhiweekena o enyumba ya Apwiya Mullukwaanyu wi mukwakhwanihe malonjezwaanyu. Apwiya Mullukwaanyu enniitanana ddenndda.

Hoseya 2:12

Kineerewoononga miteekho ddaye ddampesa ni ddanamukuyu nnddo alloteeye wi, ‘Yaalla sika mallivellwaaka ayo ezibwenzi ddaka ddakivahilliiwa.’ Kineeroyitthattusa otthako nave enama ddamuhakani ddineerewoononga.

Yawuupullulla 18:3

Vawi athu a mitundu ddittheddene aamuwirya vinywaaye oolezeliha aweeriha ddooraruwa ddayennddo. Mamwene a va ellapo yavatthi yaararuwana, allupa malonda attheene yaakhalla ni eyuuma ekaamba ya eyuumaaye ni oraruwa waye.”

Hoseya 8:6

Nifanonno khe Mulluku, anipangille tti muthu eeruso a o Israele. Nifano na o Samariyanna nineeronyenyeya.

Yawuupullulla 18:9

Mamwene a va ellapo yavatthi ayo yeerillena ddooraruwa ni wiihakallallihana eneerewinlla ni omoriwa ethakaraka vawoonani mwiisi okhumaka ovenyera vamunlloni onaashellihe muzindooyo.

Yowele 3:3

Ahoombesa wi yaakawane athwaaka, aamwaakakhaniha musombwe ni hule aamwakakhaniha namwalli ni vinyo wi elezele.”

Hoseya 2:5

Vallethi ameewa tti ooraruwa, ayo yaayarille yaaneera ddoowulliha muru. Yaanallota wi, ‘Kineeroddithwara ezibwenzi ddaka nnddo ddinakivaha yoocha ni maaddi, obweya ni nthoche, makhura ni vinyo.’

Yesaya 27:9

Sika machimo a Israele eneerokhululukelliwa nave eneerewooniha olapa wawoona vookumullani malluku mattheene a makuwa eelleto ni waatthattusa nthupi nave vano khavikhallattho makuwa eelleto a lubani* ni mafano a Asherimu.

2 Epilli 31:1

Ddittheddene ddimanlle, Aisraele attheene yaphwanyeyevo yaaya o mizinda dda Yuda yaakumulla apoto oopatuleya, yinttaka mafano a Asherimu ni woononga mapuro oollapellamo mafano ni makuwa o ellapo ddittheddene dda Yuda, Benjamini, Efuremu ni Manase ophiyera yaadditthollosa ddittheddene. Vatulli viwa Aisraele attheene yaahokollweella o mizinda ddiwa, arive muthu owaniwa.

Deuteronomo 9:21

Ello yoonanara mwayoopilleenyu, musaanaang'ombe, kaayivokhella vamunlloni. Nave kaayinyenyanyenya ni oyisillasilla nave kitathillella ntuura nene m'muhinjeni woovenyera m'mwaangonimmo.

Levitiko 26:30

Kineerowoononga mapurwaanyu oollapellellamo mafano omwaangoni ni okumulla makuwaanyu oothuwiheravo lubani* nave kineerovokhella mitembo ddanyu vaddullu va mafano oohikhalla ni okumi nave kineerewuuhiya ni nyuwaano.

1 Samuele 5:4

Koma osaka wene ohinase, evenyille yaamoonattho Dagonoolle iikuhalle moopopheya ekhovaaye vatthi vahoollo va nibokosi na echipangano na Apwiya. Murwaaye ni mattaaye ddaari ddiphaddeyiille ddimorenlle vatthi va mullako. Dagonooyo ahanllena mwiillive.

Yesaya 2:18

Nave mafano mattheene eneerotthollosiwa.

Yesaya 23:17

Ddamalla miyakha 70 Apwiya eneereweeravo ello va Tiro. Muzindooyo oneerohokollweella o ganywiiwa akhalle nave eneeroraruwa ni moomwene a ellapo yavatthi ettheene.

Ezekiele 6:6

Orive weko munaakhallekeenyuwo, mizinda ddanyu ddineerotthattuwa matepe. Mapurwaanyu oollapellamo mattheene eneerewoonongiwa sika wi makuwaanyu ni mafanwaanyu eneeropwesiwa. Makuwaanyu awoosellamo lubani eneerokumulliwa nave ddittheddene mwapangilleenyu ddineeromalla.

Hoseya 2:14

“Vano ngiiwani, kineeromukopa mutthiyanooyo wi kiyeena o echipululu, kamuhakallallihe ni mawu eechikondi.

Hoseya 8:5

Nifano na musaanaang'ombe nno a o Samariya enallapelliiwa ninnakinanara. Vano owallaaka wohaakharella wunchichi athwaayo. Vinaavire enthawi yoorekama mwawiidde athu a o Israele wi yeelle?