Mateyu 9:27 - Mawu a Mulluku

²⁷ Yesu aavenyavo vanipuroni valle nave eetaka, athu eelli oohoona yaamuthwara. Yaakhuwa wi, “Nyu edduullu ya Davide, muneerelle echifundo!”

Mateyu 9:27 ပူးပေါင်းရင်းမြစ်များ

Mateyu 15:22

Mutthiyana o Kanani ookhalla o ezigawo dda wenko, aawa wa olliye. Aakhuwa wi, “Mukeerelle echifundo, Apwiya, Edduullu ya Davide! Mwanaka aamutthiyana ookhalla ni munepa woonanara.”

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Mateyu 17:15

nave aallota wi, “Apwiya, mweerelleni mwanaka echifundo! Animavoriiwa achillechille nave ennamuhoosa mwawoopiha wawi annamorella vamunlloni wiilliwiilli navettho m'maaddini wiilliwiilli.

Yohane 7:42

Mawu a Mulluku enallota wi, Mesiyooyo anaakhalle edduullu ya mwene Davide nave anaayariwelle mu Betelehemu, m'muzi mmo mwakhalla Davide.”

Luka 7:21

Enthawi yeeyo Yesu ahaachiriha athu anchichi oovoriiwa ereta ddoohiyanahiyana nave aakhumiha minepa ddoonanara nave aawooniha athu oohoona anchichi.

Mariko 11:10

Odalisiwe omwene wa Davide nikhollo nahu, oyo onawooyo! Ntitimiho nikhalle wa Mulluku!”

Mariko 9:22

Wiilliwiilli munepa woonanaroolla onapaalla wi omwiiphe vomuvokhellani vamunlloni ni m'maaddini. Koma mwaaworaka weeravo ello, munimorelle ethakaraka voonikaviherani!”

Mateyu 21:9

Athu yeeta vahoollo va Yesu ni vatulli vaye yaakhuwa wi, “Ntitimiho nikhalle wa Edduullu ya Davide! Oodalisiwa oyo anawa mu nnddina na Apwiya. Ntitimiho nikhalle wa Mulluku.”

Mateyu 1:1

Nna sika ntthopoollo na makhollwaaye a Yesu Khrisitu, edduullu ya Davide, oyottho aari edduullu ya Abrahamu.

Mateyu 21:15

Allupa mukutho uullupalli ni ahuddihi a malamulo* yaasha murima yoonilliiwa ddoottikhiniha eerilleeyennddo navettho anamwani ekhuwaka mu enyumba ya Mulluku wi, “Ntitimiho nikhalle wa Edduullu ya mwene Davide.”

Aroma 9:5

Alliwaalla tti edduullu dda Aisraele makhollo oovuwaalle ayo yaari makhollo a Khrisitu mwa omuthu. Mulluku oyo analamulella ddeko ddittheddene atitimihiwe enthawi yoohimalla! Amen.

Luka 20:41

Yesu ahaakoha wi, “Enallota mwawiidde dda Mesiya* wi tti edduullu ya Davide?

Luka 17:13

Yaakhuwa wi, “Yesu! Apwiya! Muneerelle echifundo!”

Aroma 1:3

Othenga yoolla onallota dda mwanaye, Apwiihu Yesu Khrisitu. Olliye tti edduullu ya Davide moollikana ni omuthu.

Mateyu 9:28

Yesu avollowille mpa, athu eelli oohoonaalle yaawa nave ahaakoha wi, “Munnakhulupilila wi miyaano ttuuwora wuuchirihani?” Yahaakhulla wi, “Ee, Apwiya!”

Mateyu 20:29

Vano enthawi emodda Yesu ni oohudderaaye yakhumiiwa mu Yeriko, mulloko wa athu muullupalli wahaathwara.