Mateyu 9:22 - Mawu a Mulluku

²² Yesu aarukunuwa amoona olliyooyo nave aallota wi, “Llipa murima, echikhulupilwaawo yohuuchiriha.” Waambeella enthawi yeeyo mutthiyanooyo aachira.

Mateyu 9:22 ပူးပေါင်းရင်းမြစ်များ

Luka 7:50

Nave Yesu aallota wa mutthiyanooyo wi, “Echikhulupilwaawo yohuuvullusa, rowa ni murendelle.”

Mateyu 15:28

Vano Yesu aamwaakhulla wi, “We tti mutthiyana a echikhulupililo yuullupalli. Onapaalleewe eneereweereya wa weyaano.” Enthawi yeeyo mwanaye a mutthiyanoolle aachirihiwa.

Mateyu 9:2

Wenko athu yaaphiya ni muthu oorakalla akonaatthille vamachirani. Nave Yesu vawoonani echikhulupililwiiwa, aallota wa oorakallooyo wi, “Mukhwaaka, llipa murima, machimwaawo aakhululukiwa.”

Luka 18:42

Yesu aallota wi, “Onaka! Echikhulupilwaawo yohuuchiriha.”

Luka 17:19

Vano Yesu aallota wa olliye wi, “Venya, khawe, echikhulupilwaawo yohuuchiriha.”

Luka 8:48

Yesu aamulleella wi, “Echikhulupilwaawo yoohuuchiriha, rowa ni murendelle.”

Mariko 10:52

Yesu aamulleella wi, “Rowa, echikhulupilwaawo yohuuchiriha.” Enthawi yeeyo ahoona, amuthwara Yesu voolendonooyo.

Mariko 5:34

Yesu aallota wa mutthiyanooyo wi, “Mutthiyana we, echikhulupilwaawo yohuuchiriha. Rowa ni murendelle, woochirihiwa.”

Mateyu 9:29

Vano Yesu aattannya miitthwiiwa nave aallota wi, “Ddeereye moollikana ni echikhulupilwaanyu!”

Mitteko 16:18

Namwalloolle aheera ddenndda wa mallapo manchichi ophiyera Paulo aananariwana nave arukunuwa allota wa munepa woonanarooyo wi, “Mu nnddina na Yesu Khrisitu kinuulamula weyaano wi okhumemo mwa namwalloolla!” Enthawi yeeyo munepa woonanarooyo waakhumamo.

Yohane 4:53

Attiitthinnyaayo yahuupuwella wi enthaweene yaari yeeyo Yesu aallotilleeye wi, “Mwaninyu oochira.” Sika olliye ni a munibanjani naye attheene yaakhulupilila.

Aheberi 4:2

Vawi othenga waphaama waallalleyiwa wa hiyaano wonanko wallalleyiwelliiwa wa alliwaayo koma othenga wallalleyiwooyo kheyaaphurallena ello kaambiiwa kheyaawaakhenlle ni echikhulupililo.

Mitteko 14:9

Muthooyo aamwiiwa Paulo allotaka. Vano Paulo aamuwehesesa nave ahoona wi muthooyo annakhulupilila wawi ttuuwora ochira.

Mateyu 17:18

Yesu aawusimwella munepa woonanarooyo nave waakhumamo mwa musombooyo nave enthawi yeeyo aachirihiwa.

Mateyu 8:13

Vano Yesu aamulleella akhoto muullupallooyo wi, “Hokollweella owaninyu nave eyo okhulupilinleewe eneereweeriwa wa weyaano.” Vano kaporwaayooyo aachirihiwa enthawi yeeyo.