Mateyu 9:20 - Mawu a Mulluku

²⁰ Nave mutthiyana oohoowa ni ereta yoohikhumamo oonille mweeri wa miyakha khumi ni miilli aawa otulli wa Yesu nave aattannya mukhwipi mwa yawiikhuneellaaye.

Mateyu 9:20 ပူးပေါင်းရင်းမြစ်များ

Mateyu 14:36

Yaamuveka yooyo wi awaakhullelle oovoriiwaalle ettannye mukhwipi mwa yawiikhuneellaaye. Nave attheene yattannyillaayo yaachirihiwa.

Mariko 6:56

Virive veko vayiille Yesu, m'mizi ni m'matawoni, athu yahaakusa oovoriiwiiwa eyaana omusika ni omuveka wi oovoriiwaayo awaakhullelle ottannya naari mukhwipi mwa yawiikhuneellaaye. Nave attheene yattannyillaayo yaachirihiwa.

Deuteronomo 22:12

“Musoweke manyenje va makona masese a mikanjo nnddo munawareenyu.”

Mariko 8:22

Yaawa o Betisaida nave wenko athu amodda yaawaana muthu oohoona wa Yesu, emuveka wi amuttannye wi amuchirihe.

Mateyu 23:5

Enneera erive ello wi athu ewoone. Ennaddimakellella vayuuchini ni vamuwononi mahutta anttapara uullupalli a mawu a Mulluku. Nave ennarekamihattho manyenje a malayiiwa.

Mitteko 5:15

Ekaamba ya mitteko dda amurummwa, athu oovoriiwa yaanakhumihelliwa omusewuni ekonaatthille vamachirani ni vaminllini wi Petro aaviraka naari muuthuuchaayeve waaphwanye.

Mitteko 19:12

Naari mipango dda m'mattani ni ekuwo apharihalleeye mutteko ddakusiwa ddakhuneelliwana oovoriiwa, ereta ddiwa ddaanachirihiwa navettho minepa ddoonanara ddaanakhuma.

Mateyu 9:19

Sika Yesu aavenya, amuthwara ni oohudderaayeene.