Mateyu 9:2 - Mawu a Mulluku

² Wenko athu yaaphiya ni muthu oorakalla akonaatthille vamachirani. Nave Yesu vawoonani echikhulupililwiiwa, aallota wa oorakallooyo wi, “Mukhwaaka, llipa murima, machimwaawo aakhululukiwa.”

Mateyu 9:2 ပူးပေါင်းရင်းမြစ်များ

Mateyu 9:22

Yesu aarukunuwa amoona olliyooyo nave aallota wi, “Llipa murima, echikhulupilwaawo yohuuchiriha.” Waambeella enthawi yeeyo mutthiyanooyo aachira.

Yakobo 2:18

Koma muthu mmodda annallota wi, “Muthu mmodda ookhalla ni echikhulupililo nave mmodda ookhalla ni mitteko. Vano koonihe miyaano echikhulupililo yoohikhalla ni mitteko nave miyaano kineerowooniha echikhulupililwaaka yoovenyera m'mittekoni mwaka.”

Mitteko 19:12

Naari mipango dda m'mattani ni ekuwo apharihalleeye mutteko ddakusiwa ddakhuneelliwana oovoriiwa, ereta ddiwa ddaanachirihiwa navettho minepa ddoonanara ddaanakhuma.

Yohane 21:5

Vano ahaakoha wi, “Mohiipha ello?” Yaamwaakhulla wi, “Iyaayi, khaniiphalle ello.”

Mateyu 8:10

Yesu iiwalleeye ddenndda, aattikhina nave aallota wa athu yamuthwaraayo wi, “Ddawoona, kinimuulleellani wi ngimuphwanyille muthu mu Israele a echikhulupililo yuullupalli wonanko yeella.

Mateyu 4:24

Epillaaye yaavuwa mu echigawo ettheene ya Siriya, sika athu yaamukusella athu attheene a ereta ddoohiyanahiyana ni oovoriiwa oohiyanahiyana, athu ookhalla ni minepa ddoonanara, a achillechille ni oorakalla nave olliye ahaachiriha attheene.

Aroma 5:11

Khe yeeyove komattho ninnahakallalla mwa Mulluku oweella mwa Apwiihu Yesu Khrisitu oyo anaattanihalle ni Mullukooyo.

Mitteko 14:9

Muthooyo aamwiiwa Paulo allotaka. Vano Paulo aamuwehesesa nave ahoona wi muthooyo annakhulupilila wawi ttuuwora ochira.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Mateyu 9:6

Kineerowoonihani vano wi, mi Mwaana a Muthu kookhalla ni olamulello va ellapo yavatthi wookhululukella machimo.” Sika aamulleella muthu oorakallooyo wi, “Venya, kusa machiraawo oroweke owaninyu!”

Mateyu 8:16

Vano voophiyani misikuwa athu amodda yaawaana wa Yesu athu anchichi ookhalla ni minepa ddoonanara. Yesu aakhumiha minepannddo ni mawuve navettho ahaachiriha oovoriiwa attheene.

Yesaya 44:22

Kooddivenyihavo ddoolakwa ddawo wonanko murapo, machimwaawo wonanko ethapo, hokollowella wa miyaano vawi koowoopolla.”

Yohane 2:25

Khavaapaalleyattho wi mmodda amulleelle dda yaayo kaambiiwa olliye yeekhaaye aadduwella mirima ddiwa.

Mariko 5:34

Yesu aallota wa mutthiyanooyo wi, “Mutthiyana we, echikhulupilwaawo yohuuchiriha. Rowa ni murendelle, woochirihiwa.”

Mariko 1:32

Misikuwa nndduwa nivollowille athu yaawaana wa Yesu oovoriiwa attheene ni athu ookhalla ni minepa ddoonanara.

Oollalleya 9:7

Vano khawe wache yoochaawo moohakallalla nave wamuwirye vinywaawo ni murima woohakallalla vawi Mulluku ohaakhullella khalle ddaweera ddawonnddo.

Mateyu 6:12

Munikhululukelle machimwaahu, wonanko mmo ninaakhululukellaahu amodda ayo enilakwenlle.

Mateyu 9:5

Yookhweya ttiivi, ollota wi, ‘Machimwaawo aakhululukiwa,’ apaalle ollota wi, ‘Venya weete?’

Mateyu 14:27

Enthawi yeeyo Yesu aallota wa alliwaayo wi, “Llipani murima! Tti miyaano, muhoove.”

Mariko 6:50

Attheenaayo yaamoona olliyooyo nave yahoova wunchichi. Koma enthawi yeeyo Yesu aallota wa alliwaayo wi, “Llipani murima! Tti miyaano, muhoove!”

Mariko 10:49

Yesu ahiimella allota wi, “Mwiithaneni awe.” Sika yaamwiithana muthu oohoonooyo ellota wi, “Llipa murima, venya, animawiithana.”

Mitteko 23:11

Mahiiyu yaayo Apwiya yahiimella vaari Paulo ellota wi, “Ohoove! Woovelleella omboni dda miyaano o Yerusalemu wuno nave onaphwanella weerettho ddiidda o Roma.”