Mateyu 9:13 - Mawu a Mulluku

¹³ Khaweni mwiiwesese ottaphullella wa mawu a Mulluku awi, ‘Kinapaalla echifundo ohiri mukuthove.’ Miyaano ngiwiille wi kiwiithane athu oolungama koma athu oochimwa.”

Mateyu 9:13 ပူးပေါင်းရင်းမြစ်များ

Mariko 2:17

Koma Yesu aawiiwa nave ahaakhulla wi, “Athu oohivoriiwa khenaya wa mullupa murete koma yaayove enavoriiwa. Miyaano ngiwiille wi kiwiithane athu oolungama koma athu oochimwa.”

Luka 19:10

Mi, Mwaana a Muthu, kawiille wi kiwaashaashe ni waavullusa athu oohollowa.”

Hoseya 6:6

Vawi kinapaalla echikondi yoohisintheya ohiri mukuthove. Kinapaalla wi athu ekidduwelle miyaano Mulluku, ohiri mukuthove wooshellelliha.

Luka 5:32

Miyaano ngiwiille wi kiwiithane athu oolungama koma athu oochimwa wi erukunuwe mirima.”

Mateyu 12:7

Nave mawu a Mulluku eni, ‘Kinapaalla echifundo ohiri mukuthove.’ Mwadduwenlleke ottaphullella wa mawu yaalla, khamwaaweeruzeke wi aachimwa athu oohichimwa.

Miyambo 21:3

Echilungamo ni echiweruzo ddinnaahakallalliha Apwiya okhwaranya ovelleella mukutho.

2 Petro 3:9

Apwiya khenaselliwa weera nnddo yalonjezilliiwa, wonanko mmo amodda enaganizeriiwa. Koma ennuuvillellani kaambiiwa khenapaalla wi arive muthu oonongiwe koma enapaalla wi attheene erukunuwe murima.

Mitteko 3:19

Sika rukunuwani murima nave muwe wa Mulluku wi uukhululukelleni machimwaanyu

Mitteko 11:18

Yiiwalliiwa yeella, yaahiya omuhumullulla wulle nave yaamutitimiha Mulluku, ellota wi, “Vano Mulluku ohaavaha athu ayo ehiri Ayuda ekari yawi ehiye machimo nave ekhalle ni okumi woohimalla!”

Mateyu 3:2

Allalleya wi, “Rukunuwani murima kaambiiwa omwene wa Mulluku wohaatamella!”

Mitteko 5:31

Yooyo Mulluku aamuwelliha akhalla onnattanatta naye wi akhalle Oohoollella navettho Oovullusa wi aavahe athu a o Israele ekari yoorukunuwa murima ni okhululukelliwa machimwiiwa.

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Mateyu 4:17

Ovenyera enthawi yeeyo Yesu ahaamba ollalleya othengaaye wi, “Rukunuwani murima kaambiiwa omwene wa Mulluku wohaatamella!”

Mitteko 2:38

Nave Petro aallota wi, “Arive muthu a nyuwaano arukunuwe murima nave abatiziwe mu nnddina na Yesu Khrisitu wi machimwaaye ekhululukiwe nave aneerewaakhella emphaso ya Mulluku, Munepa Waweella.

Mateyu 3:8

Mweereke ddeko ddawooniha wi moorukunuwa murima wonanko muteekho onimma ezipaso ddaphaama.

Mitteko 20:21

Wa Ayuda ni athu ayo ehiri Ayuda kahaachenjeza wi erukunuwe murima ewe wa Mulluku nave ekhulupilile mwa Apwiihu Yesu.

Mateyu 21:42

Yesu aallota wi, “Khamweerengille mawu a Mulluku awi, ‘Nlluku nno nakhootiwe ni oomaka enyumba nenna naakhalla nlluku noopaalleya. Nndda ddaheeriwa ni Apwiya nave eri yoottikhiniha oyoona!’ ”

Mateyu 12:3

Yesu ahaakhulla wi, “Khamweerengille nnddo Davide enreeye enthawi yeelle olliyooyo ni akhwaaye yavolliwiiwa ettalla?

Mariko 12:26

Vano dda ovenya wa ookhwa, khamweerengille mu nibukhu na Mose dda makukhu yakhara munllo mvo Mulluku allotilleeye ni Mose wi, ‘Miyaano kiri Mulluku a makhollwaanyu, Mulluku a Abrahamu, Mulluku a Isaki ni Mulluku a Yakobo.’

Yohane 10:34

Yesu ahaakhulla wi, “Moolembiwa m'malamulwaanyu wi Mulluku aallota wi, ‘Nyuwaano tti milluku.’

Mateyu 19:4

Yesu ahaakhulla wi, “Khamweerengille mawu a Mulluku awi oyo aaphatusalle athu, vawaamba ahaaphatusa mullopwana ni mutthiyana?

Mateyu 12:5

Apaalle khamwaaweerengille m'malamuloni yaalla wi allupa mukutho khenathwarattho malamulo vawi enaphara mutteko mu enyumba ya Mulluku nllapo na Sabata? Koma tti oohichimwa.

Luka 10:26

Vano Yesu aamukoha wi, “Mulembiwe tini m'malamuloni a Mose? Onaattaphullella mwawiidde?”

Mariko 12:33

Nave onapaalleya wi omukondeke Mulluku ni murimaawo muttheene ni maganizwaawo mattheene ni masivaawo mattheene navettho omukondeke mukhwaawo wonanko mmo oniikondelleewe weekha. Malamulo meellaalla tti oopaalleya ohiyana ni oheraatthi mukutho wooshellelliha wa Mulluku.”

Luka 5:31

Yesu aawaakhulla wi, “Athu oohivoriiwa khenaya wa mullupa murete koma yaayove enavoriiwa.