Mateyu 8:8 - Mawu a Mulluku

⁸ Koma akhoto muullupallooyo aallota wi, “Iyaayi, Apwiya. Miyaano nginaphwanella wi muvollowe mpa mwaka. Koma mweere moona ollota mawuve nave kaporwaaka aneerochira.

Mateyu 8:8 ပူးပေါင်းရင်းမြစ်များ

Masalimo 107:20

Apwiya yaarumiha mawiiwa yaachiriha athwaayo, yahaavullusa wi ehoonongeye.

Masalimo 33:9

Vawi alliwa yaallota nave ddaheereya, yaalamula nave ddahooneya.

Mateyu 8:3

Yesu ahookolla nnatta naye amuttannya nave allota wi, “Kinnapaalla, ellihiwa!” Nave enthawi yeeyo aheellihiwa o makataaye.

Yohane 1:27

Animawa mutulli mwaka nave miyaano ngiphwanenlle naari ottaphulla mikwe dda esapato ddaye.”

Luka 5:8

Nave Simoni Petro oonilleeye ddeereyillennddo, aakokhora moomuvaha olemu Yesu, allota wi, “Apwiya, mukivenyerevo kaambiiwa miyaano tti muthu oochimwa!”

Mateyu 3:11

“Kinuubatizani ni maaddi wooniha wi moorukunuwa murima koma oyo anaawe mutulli mwaka tti muullupalli ookikhwaranya miyaano. Ngiphwanenlle naari otukhulla esapato ddaye. Yoolla aneerewuubatizani ni Munepa Waweella ni munllo.

Luka 15:21

Vano mwaanooyo aallota ni attiitthinnyaayo wi, ‘Attiitthaaka, kaamuchimwella Mulluku ni nyuwaano. Nginaphwanellattho oromolliwa wi mwaninyu.’

Luka 15:19

Nginaphwanellattho oromolliwa wi mwaninyu, mukaakhullelle wi kikhalle wonanko allupa muttekwaanyu.’

Mateyu 3:14

Nave Yohane apaalla wi amuwatteelle, voollotani wi, “Nyu sika munaakibatize ohiri miyaano kuubatizeni. Munawattho wa miyaano?”

Numeri 20:8

“Kusa ekopwaawo nave weyaano ni mwanamunno Aroni mwaatthukumanihe athu. Vano olamule nlluku wi nikhumihe maaddi, athwaayo yoonaka. Vano oneerewaakhumihella maaddi nave oneerewaawiryiha athwaayo ni eziweto ddiwa.”

Masalimo 10:17

Apwiya, munniiwa nnddo oohoosiwa enavekiiwa, munnaallipiha mwiilli, munnawaapella maaru.

Genesis 32:10

Miyaano ngiphwanenlle waakhella echikondi yoohisintheya ni echikhulupililo yoororomelleya mukoonihalleenyu mi oorumeyellaanyu. Kamullapuwalle Yordani kihinna erive ello koma kaarina ekopove koma vano kinahokollowa ni milloko miillinndda.

Mateyu 8:7

Vano Yesu aamulleella wi, “Kineeroyaawo wi kamuchirihe.”

Mateyu 8:9

Vawi miyaanottho kookhalla ni uullupallaaka ookilamulella nave nameene kookhalla ni akhotwaaka kinaalamulelleemi. Kallota wa mmodda wi, ‘Rowa,’ annarowa, kallotattho wa mmodda wi, ‘Ngawa,’ annawa nave kamulleella kaporwaaka wi, ‘Ngeera ella,’ anneera.”