Mateyu 8:4 - Mawu a Mulluku

⁴ Vano Yesu aamulleella wi, “Ngiiwa nndda vano! Ohimulleelle arive muthu koma khawe wa mullupa mukutho wi awoone wi woheella. Vano waheraatthi mukutho olle walamuliwe ni Mose wi vikhalle omboni wa athu wi woheellihiwa.”

Mateyu 8:4 ပူးပေါင်းရင်းမြစ်များ

Luka 17:14

Yesu awoonilleeye aallota wi, “Khaweni wa allupa mukutho yawooneni wi moochirihiwa.” Nave eyaakawo yaheellihiwa.

Luka 5:14

Vano Yesu aamulamula wi, “Ngiiwa nndda vano! Ohimulleelle arive muthu koma khawe wa mullupa mukutho wi awoone wi woheella. Vano waheraatthi mukutho olle walamuliwe ni Mose wi vikhalle omboni wa athu wi woheellihiwa.”

Mariko 7:36

Nave Yesu ahaalamula athu wi ehimulleelle arive muthu koma yaavirellella ovuwihanko naari aavaanyihaka wi ehaalleelleke athu.

Mateyu 9:30

Vano yahaamba woona. Yesu ahaalleellesesa wi, “Muhimulleelle nndda arive muthu!”

Mariko 6:11

Mwaphiya onipuroni nko muhinaakhelliweenyuwo apaalle muhiniiwellelliweenyuwo, venyaniwoni, muttatthe nthupi omanyalloni wanyu. Yoolla okhalle omboni wawi mohaakhoota ekaamba ya nnddo yenriiwa!”

Mariko 5:43

Vano Yesu ahaalamulella moollipiha wi ehimulleelle arive muthu ddeereyillennddo. Ahaalleellattho wi emuvahe mwaanooyo yoocha.

Mateyu 17:9

Yakitthalliiwa m'mwaangonimmo, Yesu ahaalamulella wi, “Muhimulleelle muthu moonilleenyunnddo, ophiyera olliye Mwaana a Muthu avenyihiwe wa ookhwa.”

Mateyu 10:18

Nave muneerovelleelliwa wa oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo ni athu ayo ehiri Ayuda.

Mateyu 6:1

“Wehesesani wi muheere mitteko ddanyu ddoolungama vamiitthoni va athu wi ewooneni. Mweera ddiidda vamiitthoni va athu khamwaakhella erive emphaso yoovenyera wa Attiitthaanyu ooddullu.

Mateyu 5:17

“Muheese miyaano koowa va ellapo yavatthi wi kaahiihe malamulo a Mose ni ehuddiho ya anamallotella. Ngiwiille wi kaahiihe malamulwaayo koma wi kaakwakhwanihe.

Yesaya 42:21

Ekaamba ya echilungamwiiwa Apwiya yaapaallesesa wi malamulwiiwa ekhalle avaddullu ni oolemu.

Yohane 8:50

Miyaano nginaashaasha ntitimiho nameekhaaka koma vookhalla mmodda ananaashaasha nave yooyo sika anaaweeruze.

Yohane 7:18

Muthu oyo anallota dda m'muruni mwaye anapaalla ntitimiho na yeekha. Koma oyo anapaalla ntitimiho na oyo aamurumalle, olliye tti awoona nave kheyiivo yawoottha mwa olliyooyo.

Yohane 5:41

“Mi nginaashaasha otitimihiwa ni athu.

Luka 21:13

Yoolla onaakhalle mpataanyu wawi mwakhalle amboni a othenga waphaama.

Mariko 8:30

Nave Yesu ahaalamulella wi, “Muhimulleelle arive muthu dda miyaano.”

Mateyu 16:20

Vano Yesu ahaalamulella oohudderaalle wi ehimulleelle arive muthu wi olliyooyo tti Mesiya.

Mateyu 3:15

Koma Yesu aamwaakhulla wi, “Waakhullelle vano vawi mwawi ddiidda nineerokwakhwaniha echilungamo ettheene.” Vano Yohane ahaakhullella.

Mariko 13:9

“Sika nyuwaano chenjerani. Muneeromakiwa ni okuselliwa m'mathatoni a millatu nave muneerewuukuthiwa mu enyumba ddamavekello.* Muneerewiimella vamiitthoni va oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo.

Levitiko 13:49

nave enguweeyo yakhalla ya girini apaalle yoofiira, yeeyo tti enguwi nave ellweeyo eyoonihe wa mullupa mukutho.

Mariko 3:12

Koma aaddilamula moollipa wi ddihimulleelle arive muthu dda olliyooyo.

Mariko 9:9

Yakitthalliiwa m'mwaangonimmo, Yesu ahaalamula wi, “Ehimulleelle muthu yoonilliiwannddo, ophiyera mi, Mwaana a Muthu, kivenyille wa ookhwa.”

Luka 4:41

Minepa ddoonanarattho ddaakhuma mwa athu anchichi, ddikhuwaka wi, “Nyu tti Mwaana a Mulluku!” Koma Yesu aaddisimwella minepa nnddo wi ddimaalle vawi ddaanamudduwella wi olliyooyo tti Mesiya* allotelliwe khalle.

Luka 8:56

Makhollwaayo yaattikhina koma Yesu ahalamulella wi ehimulleelle muthu ddeereyennddo.

Luka 9:21

Nave Yesu ahaalamulella moollipa wi, “Muhimulleelle arive muthu dda miyaano.”