Mateyu 8:3 - Mawu a Mulluku

³ Yesu ahookolla nnatta naye amuttannya nave allota wi, “Kinnapaalla, ellihiwa!” Nave enthawi yeeyo aheellihiwa o makataaye.

Mateyu 8:3 ပူးပေါင်းရင်းမြစ်များ

Luka 5:13

Yesu ahookolla nnatta, amuttannya nave allota wi, “Kinnapaalla, ellihiwa!” Nave enthawi yeeyo aheellihiwa o makataaye.

Masalimo 33:9

Vawi alliwa yaallota nave ddaheereya, yaalamula nave ddahooneya.

2 Mamwene 5:14

Sika Naamani aakitthella o Yordani akhumbudda m'maaddinimmo otthanu ni opiilli monga namallotella alamulelleeye. Vaavo aachira nave mwiillaaye waakhalla wonanko wa mwaana, sika aachirihiwa.

Mariko 1:41

Yesu aamoriwa ethakaraka nave ahookolla nnatta naye, amuttannya, allota wi, “Kinnapaalla, ellihiwa!”

Yohane 5:21

Vawi Attiitthaaka ennaavenyiha athu ookhwa enaavaha okumi, emoddamoddave yeeyo miyaano kinnavaha okumi wa ayo kinaapaalleemi.

Mariko 4:39

Vano aavenya asimwella ephevweeyo nave aallota wa maaddaayo wi, “Okhurumuwe! Omaalle!” Vano ephevweeyo yaamaalla nave vaakhalla okhurumuwa wuullupalli.

2 Mamwene 5:11

Koma Naamani aasha murima avenyavo aallota wi, “Ngoonani, mi kaganiza wi aneerokhuma, iimelle mvo nave avekelle mu nnddina na Apwiya Mullukwaaye, aneerotukhullellavo nnatta naye ni ochiriha makataayo.

Genesis 1:3

Vano Mulluku aallota wi, “Owale” nave waawala.

Yohane 11:43

Nave allotille nndda, aakhuwa wi, “Lazaro, khuma!”

Luka 7:14

Vano Yesu aawaatamella nave attannya nibokosi na malironno nave athu yatukhunllaayo yahiimella. Nave Yesu aallota wi, “Musombwe we, kinimuulleella wi ovenye!”

Mariko 9:25

Yesu oonilleeye wi mulloko wa athooyo onimawa mwawaakuva vamodda momwaatamella, vano aasimwella munepa woonanarooyo wi, “We munepa woohiiwa ni woohillota, kinimuulamula wi khumamo mwa musomboolla ohivollowemottho!”

Mariko 7:34

Nave Yesu aaweha oddullu, avuma wuullupalli, allota wa muthooyo wi, “Efatha!” (Ottaphullella wi, ttaphuwa.)

Mariko 5:41

Aamuphara nnatta naye allota wi, “Talitha, kumi!” (Ottaphullella wi, namwalli we, kinallota wa weyaano wi ovenye.)

Yohane 15:24

Kaheerilleke mitteko nnddo mmodda aheerilleeye wa alliwaayo vano kheyaakhalle ni mullatu woochimwana. Koma yahoona nnddo keerilleemi naari yakiitalle miyaano ni Attiitthaaka.

Eksodo 4:7

Vano Apwiya yaallota wi, “Nivollochihettho nnatta nawonno m'mukanjonimmo.” Olliye aanivollochihamottho koma anikhumiheeyemo naari naphaama noohikhalla ni makate, noophwanaphwana ni mwiillaaye muttheene.

Mateyu 12:13

Vano aallota wa muthu oorakalla nnattoolle wi, “Okolla nnatta nawo.” Ahookolla nave naachirihiwa, ninaphwanaphwana ni nimoddanno.

Luka 4:27

Mwaakhallattho athu amakate anchichi mu Israele m'mallaponi ayo Elisha aariiye namallotella, khaavo muthu eellihiwe ni olliye koma Namanive a o ellapo ya Siriya.”