Mateyu 8:28 - Mawu a Mulluku

²⁸ Yesu aphiyalleeye o echigawo ya athu a o Gadara vakhopella va enyanja, aakumana ni allopwana eelli oovenyera omakhunguni nko wavitthiwa athu ookhwa. Athu yaalla yaari a minepa ddoonanara nave yaari awoopiha wunchichi vawi khaavo muthu awora oweella musewu yoolla.

Mateyu 8:28 ပူးပေါင်းရင်းမြစ်များ

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Mateyu 4:24

Epillaaye yaavuwa mu echigawo ettheene ya Siriya, sika athu yaamukusella athu attheene a ereta ddoohiyanahiyana ni oovoriiwa oohiyanahiyana, athu ookhalla ni minepa ddoonanara, a achillechille ni oorakalla nave olliye ahaachiriha attheene.

Oweeruza 5:6

Va enthawi ya Shamigara mwaana a Anati, va enthawi ya Yaele, m'misewuni khemweetiwa, alleto yalambalala mu asimisewu amukhwipi.

Genesis 15:21

ya Aamori, ya Akanani, ya Agirigashi ni ya Ayebusi.”

Genesis 10:16

Kanani aarittho nikhollo na Ayebusi, Aamori, Agirigashi,

Deuteronomo 7:1

“Apwiya Mullukwaanyu eneerewuuphiyihani mu ellapo eyo munaawaakheenyu nave mitundu ddimodda ddittheddene eneeroddiikarihamo. Alliwa eneerewiikarihamo mitundu mitthanu ni miilli ddookhalla ni athu anchichi ni amasiva wuukhwaranyani nyuwaano monga Ahiti, Agirigashi, Aamori, Akanani, Aperezi, Ahivi ni Ayebusi.

Mateyu 8:27

Athu attheene yaari mukallawanimmo yaattikhina, ellota wi, “Muthu yoolla tti awiidde? Naari ephevo ni maaddi ddinnamwiiwellella.”