Mateyu 8:20 - Mawu a Mulluku

²⁰ Yesu aallota wi, “Akhatwe aakhalla ni milliha ddiwa navettho epallame ddookhalla ni emphuru ddiwa koma mi, Mwaana a Muthu, nginna naari voohameella murwaaka.”

Mateyu 8:20 ပူးပေါင်းရင်းမြစ်များ

Masalimo 84:3

Naari kattiitti annaphwanya mapuro ookhalla, neenkhaare annamaka emphurwaaye mmo anaakonaatthiheeyemo asaanaaye, vakhuviru ni makuwaanyu, nyu Apwiya Amasiva Mattheene, Mwenaaka ni Mullukwaaka.

Luka 2:7

Nave aamuyara mwanaye awaamba aamullopwana. Aamuhuruwella ni ekuwo, amukonaatthiha moochella enama vawi yaarama nipuro nawi ekhallemo mu enyumba ya alleto.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

Luka 2:16

Sika mwawaakuva yaatimulla nave yaawa wa Mariya ni Yosefe, emoonattho kantchewooyo akonaatthille moochella enama.

Luka 2:12

Echizindikirweene tti ella, muneeromuphwanya kantchewa ahuruwelliwe ni ekuwo nave akonaatthihiwe moochella enama.”

Masalimo 109:22

Vawi miyaano kiri oohoowa, oopaneya ni ookatamihiwa m'murimani

Masalimo 69:29

Koma miyaano koohooseya nave kinniiwa ovoreya, nyu Mulluku, kitukhulleni wi kivulluwe.

Luka 8:3

Yoana, mwaariye a Kuza kapitawo a oophara mutteko mu enyumba ya Herode* ni Suzana ni atthiyana amodda anchichi yaamurumeyella Yesu ni oohudderaaye ni eyuumiiwa.

Mateyu 12:32

Nave oyo anakillotella epewe mi, Mwaana a Muthu, aneerokhululukelliwa koma oyo anallotella epewe Munepa Waweella khakhululukelliwa enthawi yeella naari muhoollo.

Masalimo 104:17

Epallame ddinnamaka emphuru mwemmo, nasekwa annamaka enyumbaaye m'mikunguzani.

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Mateyu 17:9

Yakitthalliiwa m'mwaangonimmo, Yesu ahaalamulella wi, “Muhimulleelle muthu moonilleenyunnddo, ophiyera olliye Mwaana a Muthu avenyihiwe wa ookhwa.”

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Mateyu 16:13

Yesu aaya mu echigawo yowaatamana ni etawoni ya Kaisareya Filipi ahaakoha oohudderaaye wi, “Athu enallota wi mi Mwaana a Muthu kiri aani?”

Mateyu 12:40

Vawi Yona akhanlle m'mirimani mwa ehomba yuullupalli mallapo mararu otthaana ni mahiiyu, emoddamoddave yeeyo mi, Mwaana a Muthu, kinaakhalle vatthi va ethaya mallapo mararu otthaana ni mahiiyu.

Mateyu 12:8

Vawi mi Mwaana a Muthu sika kiri mwaneena a nllapo na Sabata.”

Masalimo 40:17

Mi tti oofooka nave oohoowa, koma khamukituwanlle, nyu Apwiya. Nyu tti ookikaviheraaka ni oovullusaaka, nyu Mullukwaaka, muhinaselliwa okikavihera.

Daniele 7:13

Kiwehakave ddeko m'masomphenya mahiiyu, ngoonani, kaamoona mmodda wonanko mwaana a muthu akitthaka ni mirapo ddooddullu. Amwaatamenlle oyo aarivo khalle, amodda yaamuvelleella wa olliye.

Masalimo 104:12

Epallame ddinniithaalla vakhuviru ni muhinje, ddinniipa mu enthambi.

Mateyu 13:37

Yesu ahaakhulla wi, “Muthu aamiddalle mmiddo waphaamoolle tti mi Mwaana a Muthu;

Mariko 8:38

Muthu aawulliwaka muru ekaamba ya miyaano ni mawaaka wa athu a mbadoolla, ooraruwa ni oochimwa, vano mi, Mwaana a Muthu, kineerowulliwa muru ni olliye kaawaaka mu ntitimiho na Attiitthaaka ni angelo aweella.”

Luka 9:58

Yesu aallota wi, “Akhatwe aakhalla ni milliha ddiwa navettho epallame ddookhalla ni emphuru ddiwa koma mi, Mwaana a Muthu, nginna naari voohameella murwaaka.”

Luka 12:8

“Kinimuulleellani nyuwaano, muthu anaakhullella wi tti aaka vamiitthoni va athu, miyaanottho Mwaana a Muthu, kineeromwaakhullella vamiitthoni va angelo a Mulluku.

Luka 18:8

Kinimuulleellani wi, aneerewaakuva oweeruzella millatu ddiwa wi ddiweetelle phaama. Koma ethiyo mi Mwaana a Muthu kaahokollowaka kineerophwanya echikhulupililo va ellapo yavatthi?”

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

Yohane 1:51

Nave aallota wa yaayo wi, “Ddawoona, kinimuulleellani wi muneerewoona oddullu woohulleya nave angelo a Mulluku ewellaka ni ekitthaka vakhuviru ni miyaano Mwaana a Muthu.”

Yohane 3:13

Khaavo muthu awenlle oddullu koma miyaanove Mwaana a Muthu, sika kakitthalle ovenyera oddullu.”

Yohane 3:14

Nave Mose aatthomeya niphwanaphwaniho na enowa vamuteekhoni muchipululuni, emoddamoddave yeeyo mi Mwaana a Muthu kinaphwanella wi kitthomeyiwe vamutandani,

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”

Yohane 6:53

Yesu aallota wa alliwaayo wi, “Ddawoona, kinimuulleellani wi, mwaahicha mwiilli wa miyaano Mwaana a Muthu ni owirya nikhame naka khamukhalla ni okumi woohimalla.

Yohane 6:62

Muneere tini mwakoona mi Mwaana a Muthu kiwellaka oya wenko kaarimiwo khalle?

Yohane 12:34

Athwaalle yaamwaakhulla wi, “Nahiiwa hiyaano m'malamuloni wi Mesiya* aneerokhalla ni okumi woohimalla. Sika kaambiiwa tini nyuwaano munallotelleenyu wi Mwaana a Muthu anaphwanella otthomeyiwa vamutandani? Mwaana a Muthu yoolla ttaani?”

Yohane 13:31

Vano Yudasi akhumalleeye, Yesu aallota wi, “Vano mi Mwaana a Muthu kootitimihiwa nave ekaamba ya miyaano Mulluku ootitimihiwa.

Mitteko 7:56

Vano aallota wi, “Ngoonani, kinnoona oddullu woohulleya nave Mwaana a Muthu iimenlle onnattanatta na Mulluku!”