Mateyu 7:7 - Mawu a Mulluku

⁷ “Sika kinimuulleellani wi, vekani nave muneerewaakhella; ashaashani nave muneerophwanya; okothani nave nchiwi nineerohulliwa wa nyuwaano.

Mateyu 7:7 ပူးပေါင်းရင်းမြစ်များ

Mateyu 21:22

Mwakhalla ni echikhulupililo, muneerewaakhella erive ello munavekeenyu mu nivekello.”

1 Yohane 3:22

Erive ello ninavekeehu ninnaakhella kaambiiwa ninniiwellella malamulwaaye ni weera eyo enamuhakallalliha.

Yohane 15:7

Mwaakhallaka mwa miyaano nave mwaasungaka mawaaka m'murimani mwanyu, vekani erive ello munapaalleenyu nave muneerovahiwa.

Mariko 11:24

Ekaamba ya yeella kinimuulleellani wi munavekeenyu munivekello, khulupililani wi mohaakhella nave eneerovahiwa wa nyuwaano.

Yeremiya 33:3

‘Kiithane miyaano nave kineerowaakhulla. Kineerewuulleella ddoovittheya dduullupalli nnddo ohinaddidduwelleewe.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Mateyu 7:8

Vawi attheene ayo enaveka eneerewaakhella nave ayo enaashaasha eneerophwanya nave oyo anookotha aneerohullelliwa nchiwi.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Aheberi 11:6

Khaavo anaamuhakallallihe Mulluku ahinna echikhulupililo vawi oyo anapaalla omwaatamella Mulluku akhallena echikhulupililo yawi Mullukooyo ookhallawo. Nave aneerewaathuva athu enamwaashaasha.

Miyambo 8:17

Kinnaakonda ayo enakikonda, ookaashaasha ennakiphwanya.

Masalimo 10:17

Apwiya, munniiwa nnddo oohoosiwa enavekiiwa, munnaallipiha mwiilli, munnawaapella maaru.

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

Mateyu 18:19

“Kinimuulleellanittho ddawoona wi eelli mwa nyuwaano va ellapo yavatthi mwaakhullellana erive ello munavekelleenyu, eneereweeriwa wa nyuwaano ni Attiitthaaka ooddullu.

Amosi 5:4

Apwiya enallota ni a nibanja na Israele wi, “Kaashaasheni wi mukhalle ni okumi.

Yakobo 5:15

Nivekello nenna naweeriwa mu echikhulupililo nineeromuchiriha oovoriiwooyo. Apwiya eneeromuvenyiha nave aari achimwalle, aneerokhululukelliwa.

Masalimo 27:8

Kinnuupuwella, mwaallota wi, “Mwaashaasheke ekhovaaka.” Murimaaka waallota wi, “Nyu Apwiya kinnaashaasha ekhovaanyu.”

Luka 18:1

Yesu ahaalleella oohudderaaye niphwanaphwaniho nowaahuddiha wi enaphwanella wi evekelleke mallapo mattheene, oohitopa.

Mateyu 7:11

Naari muri oonanara munnadduwella waavaha aniinyu ddeko ddaphaama. Attiitthaanyu ooddullu ennavaha ddeko ddaphaama wuukhwaranyani nyuwaano wa ayo enamuveka.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Nchipo na Solomoni 3:2

Sika kaallota wi, kineerovenya keeteete m'muzindanimmu, m'misewuni ni m'mapuroni. Kaamwaashaasha a vamurimani vaka. Kaamwaashaasha koma oohimuphwanya.

Aroma 2:7

Sika athu ayo enavirellellave weera ddaphaama nave enaashaasha ntitimiho ni okumi woohimalla ovenyera wa Mulluku, Mulluku aneerewaavaha okumi woohimalla.

Masalimo 119:12

Nyu Apwiya, mutitimiheye, kihuddiheni malamulwaanyu.

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

Masalimo 70:4

Koma attheene oowaashaashaani ehakallalle ekaamba ya nyuwaano. Attheene oohakallallella ovullusa wanyu ellotekelloteke wi, “Apwiya tti uullupalli!”

Masalimo 69:32

Oohoosiwa yiiwe nave ehakallalle, nyu munamwaashaasha Mulluku, mullipettho murima.

1 Mamwene 3:5

O Gibiyoni Apwiya yahooneyella wa Solomoni mahiiyu moolloha, emulleella wi, “Veka eyo onapaalleewe nave kineerewuuvaha.”

Masalimo 10:4

Ekaamba ya wiitukhulla waye, muthu oonanara khanapwatha dda Mulluku, m'murimani mwaye anaganiza wi Mulluku khaawo.

Aroma 3:11

khaavo muthu aniiwesesa khaavo muthu anamwaashaasha Mulluku.

Luka 13:25

Vano mwaneena a enyumbeeyo aneerowalla o mullako nave amodda a nyuwaano muneerewiimella vaatte, mookothaka vanchiwini mullotaka wi, ‘Apwiya, nihullelleni.’ Olliye aneerewaakhulla wi, ‘Nginuudduwellani. Munavenyera wuuwi?’

Masalimo 34:4

Kaavekella wa Apwiya nave yaakaakhulla, yaakivullusa o ddittheddene kaddooveemi.

Masalimo 37:4

Hakallalla mwa Apwiya, eneerewuuvaha nnddo murimaawo onapaalliiwa.

Yesaya 30:19

Ddawoona, nyu athu a o Ziyoni, ookhalla o Yerusalemu, khamwinllattho. Apwiya eneeroweerellani echifundo vawiiwa winlla wanyu nave va enthawi yeeyo aneerowaakhullani.

Genesis 26:32

Nllapo nenno akaporo a Isaki yaawa emulleella dda ehime yakatilliiwa. Yaallota wi, “Noophwanya maaddi.”