Mateyu 7:6 - Mawu a Mulluku

⁶ “Muhaavaheke anapwa ddeko ddaweella, woova wi ttuurukunuwa ni wuullumani. Navettho muhinavokhella ddeko ddanyu ddoowallamella mutengo vahoollo va ekumba kaambiiwa ddineeronyingallella ni manyallwiiwa.

Mateyu 7:6 ပူးပေါင်းရင်းမြစ်များ

Miyambo 23:9

Ohilloteke ddeezeru wa muthu ookarangeya vawi aneerovevulla mawaawo eezeru.

Miyambo 26:11

Ookarangeya oyo anaakullella ddookarangeya tti wonanko mwanapwa oyo anahokollweella acha nnddo arapheyilleeye.

Afilipi 3:2

Muchenjerekena ayo eneera ddeko ddoonanara wonanko anapwa, ayo enallipihella wiiremarema mwiilli

Mateyu 15:26

Yesu ahaakhulla wi, “Khe yaphaama okusa yoocha ya anamwani waavokhella anapwa.”

Aheberi 10:29

Onaakhalle wawiidde wa oyo anamullotella epewe Mwaana a Mulluku? Oyo aneesa noohikhalla ni mutteko nikhame na echipangano nno naneellihalle? Apaalle anallotella epewe Munepa Waweella oyo ananivaha echisomo ya Mulluku? Ollakiwa wa muthu awi ddiidda onaakhalle wawoopiha wunchichi.

2 Petro 2:22

Eyo yeereye wa alliwa enooniha ddawoona dda miyambi ddawi, “Mwanapwa annahokollweella acha nnddo arapheyilleeye” navettho wawi, “Ekumba yoohapihiwa ennahokollweella wuupuruwa vamatokwini.”

Mateyu 24:10

Nave vano anchichi eneerohiya echikhulupililwiiwa, eneeromakihana ni wiitana.

Miyambo 11:22

Mutthiyana ooreera koma oohiganiza phaama tti wonanko echipini ya golide eyo eri vaphunani va ekumba.

Aheberi 6:6

Koma yahiya echikhulupililwiiwa tti woohiworeya wi erukunuwettho murima kaambiiwa enakhalla wonanko enimamutthomeyattho Mwaana a Mulluku vamutandani, enamunyaambusa vamiitthoni va athu.

2 Akorinto 11:26

Va olendwaaka munchichi kaanakumana ni ddawoopiha dda maaddi oosefukella, allupaawiiya, Ayuda akhwaaka ni athu ayo ehiri Ayuda. Mwaakhallattho ddawoopiha mumizindani, muhakani, mu enyanja yoowallamella navettho ddoovenyera wa ookhulupilila awoottha.

Miyambo 26:4

Ohinamwaakhullaka muthu ookarangeya moollikana okarangeya waye vawi khavikhalla ohiyana.

Mateyu 7:5

Nyu awoottha! Mwaambe ovenyihamo murinda ori m'mwiitthoni mwanyu nave muneerowora woona phaama wi mumuvenyihemo mwaneello ari m'mwiitthoni mwa mukhwiinyu.

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.