Mateyu 7:22 - Mawu a Mulluku

²² Va nllapo na echiweruzo, athu anchichi eneerollota wi, ‘Apwiya, Apwiya! Mu nnddina nanyu naallotella mawu a Mulluku, mu nnddina nanyu naakhumiha minepa ddoonanara ni mu nnddina nanyu naheera ddoottikhiniha ddinchichi!’

Mateyu 7:22 ပူးပေါင်းရင်းမြစ်များ

2 Timoteo 1:12

Ekaamba ya yeella kohoona ddoohoosanndda. Nave nginawulliwa muru kaambiiwa kinnamudduwella oyo kinamukhulupilileemi nave kinnasimikiza wi annawora osunga phaama eyo aakinnyenreeye ophiyera nllapo noomallihella.

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

Yohane 11:51

Khaallotille ella mwa olliye yeekhaaye koma vookhallani oohoollella a allupa mukutho uullupalli muyakha yooyo, allotella wi Yesu aneerokhwa munipuroni na mutundooyo,

Numeri 24:4

mawu a oyo aniiwa mawu a Mulluku, oyo anamoona Mulluku m'masomphenya, oyo aniikuha miitthwaaye eri ookhunuuwa.

1 Atesalonika 5:4

Koma nyuwaano, asinnihu ni arokorihu khamuri mwiipiphini wi nllaponno nihuururumuseni wonanko mullupaawiiya.

Luka 10:12

Kinimuulleellani wi va nllapo na echiweruzo, Mulluku aneeroweerella echifundo yinchichi athu a Sodomu ohiyana ni athu a mutawoni yeella.

Mateyu 25:11

“Vatulli viwa yaahokollowa ookarangeyaalle. Yaakhuwa wi, ‘Apwiya, Apwiya, nihullelleni!’

Mateyu 24:36

“Khaavo anadduwella nllapo ni enthawi ya owa wa miyaano Mwaana a Muthu naari angelo naari mwaneenaka, koma Attiitthaakave sika enadduwella.

Mateyu 7:21

“Khe arive muthu anakiithana wi, ‘Apwiya, Apwiya’ anaavollowe mu omwene wa Mulluku. Vawi weera ddiiddo khonakwakhwanella koma ayo eneera ddoopaalla dda Attiitthaaka ooddullu sika enaavollowe.

Yesaya 2:17

Okota wa athu oneeromalla wiitukhulla wiwa otthewene oneerewoonongiwa. Apwiyave sika enaariihiwe nllapo nenno.

Yesaya 2:11

Wiitukhulla wa athu oneeromalla nave okota wa athu oneerewoonongiwa. Apwiyave sika enaariihiwe nllapo nenno.

2 Timoteo 1:18

Apwiya emweerelle echifundo va nllapo noomallihanno. Nave onnadduwella phaama mmo aakikaviherelleeye o Efeso.

2 Atesalonika 1:10

va nllapo anaweeye wi aakhelle ntitimiho ovenyera wa athwaaye aweella ni oriiheya ovenyera wa attheene enakhulupilila. Nyuwaano muneerokhallattho ni yaayo kaambiiwa mookhulupilila othenga olle nuulleelleeyeni.

Mateyu 10:15

Ddawoona, kinimuulleellani wi, va nllapo na echiweruzo, Mulluku aneeroweerella echifundo yinchichi athu a Sodomu ni Gomora, waakhwaranya athu a mu etawoni yeella.

Numeri 31:8

Yaawiipha mamwene matthanu a o Midiyani, Evi, Rekemu, Zuri, Huri ni Reba. Yaamwiiphattho ni nsupada Balamu mwaana a Beori.