Mateyu 6:31 - Mawu a Mulluku

³¹ “Sika muhikhupanyeke wi, ‘Yoochaaka enaavenyere wuuwi? Yoowiryaaka enaavenyere wuuwi? Ddoowara ddaka ddinaavenyere wuuwi?’

Mateyu 6:31 ပူးပေါင်းရင်းမြစ်များ

1 Petro 5:7

Muhiyereni ddookhupanya ddanyu ddittheddene kaambiiwa olliye annuuweherani.

Luka 12:29

“Sika muhinakhupanyaka wi munaache tini apaalle munaawirye tini apaalle ddeko ddimodda.

Mateyu 4:4

Koma Yesu ahaakhulla wi, “Mawu a Mulluku eni, ‘Athu khenakhalla ni okumi ekaamba ya yoochave, koma ni mawu oollotiwa ni Mulluku.’ ”

Masalimo 55:22

Areye Apwiya ddookhupanya ddawo, alliwa eneerewuuseera, kheyaakhullella wi oolungamiiwa atikheye.

Mateyu 15:33

Oohudderaaye yaamukoha wi, “Tti wuuwi ohakani wuno nineereehu naphwanyewo yoocha yawi nichihe mulloko wa athu yoolla?”

Masalimo 37:3

Aroromelleke Apwiya nave weereke ddaphaama, khalla mu ellapo nave othwareke ddawoona.

2 Epilli 25:9

Amaziya aamukoha muthu a Mulluku wi, “Koma vano nineerena tini makobiri 100 a siliva ayo kaavahilleemi akhoto a Israele?” Olliye ahaakhulla wi, “Apwiya ennawora wuuvahani ddinchichi okhwaranya ddenndda.”

Masalimo 111:5

Ennavaha yoocha athu oowoova, ennuupuwella echipanganwiiwa enthawi ettheene.

Mateyu 6:25

“Ella sika ekaambiiwa kinuulleelleemini nyuwaano wi muhikhupanyeke dda okumaanyu wi munaache tini apaalle munaawirye tini apaalle dda mwiillaanyu wi munaaware tini? Ethiyo okumi khonakhwaranya yoocha? Navettho mwiilli khonakhwaranya yoowara?

Mateyu 6:27

Ttaani a nyuwaano anaanjerere okumaaye nllapo nimodda vookhupanyani?

Luka 10:41

Apwiya yaamwaakhulla mutthiyanooyo wi, “Marita, Marita, onimoona oviheeriwa ohoosiwaka ni ddeko ddinchichi.

Luka 12:11

“Yaawuukusakani wi yawiipeni millatu mu enyumba ddamavekello* apaalle wa attekweene oolamulella, muhikhupanyeke wi munaaye mwallote tini apaalle munaallote mwawiidde.

Luka 12:22

Vano Yesu aallota ni oohudderaaye wi, “Sika tti kaambiiwa kinuulleelleemini nyuwaano wi muhikhupanyeke dda okumaanyu wi munaache tini apaalle dda mwiillaanyu wi munaaware tini?

Afilipi 4:6

Muhikhupanyeke erive ello koma mumulleelleke Mulluku erive ello munapaalleenyu moovekella. Enthawi ddittheddene muvekeke ni murima woothokoza.