Mateyu 6:28 - Mawu a Mulluku

²⁸ Nave kaambiiwa tini munakhupanyeenyu ekaamba ya ddoowara? Ganizerani wunnuwa wa malluwa a muhakani, khenaphara mutteko apaalle wiisowella weekhiiwa ddoowara.

Mateyu 6:28 ပူးပေါင်းရင်းမြစ်များ

Mateyu 6:25

“Ella sika ekaambiiwa kinuulleelleemini nyuwaano wi muhikhupanyeke dda okumaanyu wi munaache tini apaalle munaawirye tini apaalle dda mwiillaanyu wi munaaware tini? Ethiyo okumi khonakhwaranya yoocha? Navettho mwiilli khonakhwaranya yoowara?

Afilipi 4:6

Muhikhupanyeke erive ello koma mumulleelleke Mulluku erive ello munapaalleenyu moovekella. Enthawi ddittheddene muvekeke ni murima woothokoza.

Luka 12:27

Ganizerani wunnuwa wa malluwa a muhakani, khenaphara mutteko apaalle wiisowella weekhiiwa ddoowara. Nave kinimuulleellani nyuwaano wi mwene Solomoni ni eyuumaaye ettheene ariiyena, khaarina ddoowara ddooreera wonanko nimodda na malluwaalla.

Mateyu 6:31

“Sika muhikhupanyeke wi, ‘Yoochaaka enaavenyere wuuwi? Yoowiryaaka enaavenyere wuuwi? Ddoowara ddaka ddinaavenyere wuuwi?’

Luka 3:11

Ahaakhulla wi, “Muthu arina malaya meelli anaphwanella wi amuvahe amoddaayo mukhwaaye oyo ahinna nave muthu arina yoocha aakawellettho akhwaaye.”

Mateyu 10:10

muhikuse nthumba na voolendoni naari malaya mamodda apaalle esapato naari ekopo. Allupa mutteko enaphwanella ovahiwa ddoopaalla ddiwa.

Hoseya 14:5

Kinaakhalle wa Israele wonanko nikame, aneerottaphulla malluwa wonanko kakombo, aneeromella misisi wonanko muteekho wa o Lebanoni.

Mateyu 6:27

Ttaani a nyuwaano anaanjerere okumaaye nllapo nimodda vookhupanyani?

Luka 10:41

Apwiya yaamwaakhulla mutthiyanooyo wi, “Marita, Marita, onimoona oviheeriwa ohoosiwaka ni ddeko ddinchichi.

Luka 12:11

“Yaawuukusakani wi yawiipeni millatu mu enyumba ddamavekello* apaalle wa attekweene oolamulella, muhikhupanyeke wi munaaye mwallote tini apaalle munaallote mwawiidde.

Luka 12:22

Vano Yesu aallota ni oohudderaaye wi, “Sika tti kaambiiwa kinuulleelleemini nyuwaano wi muhikhupanyeke dda okumaanyu wi munaache tini apaalle dda mwiillaanyu wi munaaware tini?

1 Petro 5:7

Muhiyereni ddookhupanya ddanyu ddittheddene kaambiiwa olliye annuuweherani.