Mateyu 6:24 - Mawu a Mulluku

²⁴ “Khaavo mullupa mutteko anawora waarumeyella apwiya eelli vawi aneeromwiita mmoddooyo nave aneeromukonda mmoddooyo apaalle aneeromwiiwellella mmoddooyo nave aneeromuvevulla mmoddooyo. Emoddamoddave yeeyo khamuwora omurumeyella Mulluku ni orumeyella eyuuma.

Mateyu 6:24 ပူးပေါင်းရင်းမြစ်များ

Luka 16:13

“Khaavo mullupa mutteko anawora waarumeyella apwiya eelli vawi aneeromwiita mmoddooyo nave amukonda mmoddooyo apaalle aneeromwiiwellella mmoddooyo nave aneeromuvevulla mmoddooyo. Emoddamoddave yeeyo khamuwora omurumeyella Mulluku ni orumeyella eyuuma.”

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Agalatiya 1:10

Ethiyo voollotani ddenndda, kinapaalla wi athu ekaakhullelle? Khe ddiiddo! Eyo kinapaalleemi tti waakhullella wa Mulluku! Ethiyo kinapaalla waahakallalliha athu? Kakhanlleke awaahakallalliha athu ngaakhalle oorumeyella a Khrisitu.

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Luka 16:11

Vano muriinyu oohiroromelleya voopharihani mutteko eyuuma ya va ellapo yavatthi, ttaani anuuvaheni eyuuma yawoona?

1 Mamwene 18:21

Eliya ahaatamella vakhuviru ni athu attheenaayo aakoha wi, “Ethiyo munaakayikeke ophiyera niini? Apwiya yaarimi eri Mulluku, athwareni. Koma Baala aarimi ari Mulluku, muthwareni olliye.” Athwaayo kheyaamwaakhunlle naari vang'ono.

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

1 Samuele 7:3

Vano Samuele ahaalleella Aisraele attheene wi, “Mwaapaallaka ohokollweella wa Apwiya ni murimaanyu muttheene, muvenyihe milluku ddeelleto ni dda Ashitaroti variyari vanyu. Murimaanyu muttheene okhalle va Apwiya ni waarumeyella alliwave. Mweeddiiddo eneerewuuvullusani wa Afilisti.”

2 Mamwene 17:41

Sika mitundu ddenndda dda athu ddaanawoova Apwiya koma ellapellaka milluku ddiwa. Aniiwa ni edduullu ddiwa ddinneera ddimoddamoddave nnddo yeera makhollwiiwa ophiyera ollello.

Luka 16:9

Yesu aallotave wi, “Kinimuulleellani wi, mwiiphwanyelle akhwiinyu voopharihani mutteko eyuuma ya va ellapo yavatthi wi yamalla mwaakhelliwa owaani woohimalla, oddullu.

Ezekiele 20:39

“Koma nyu Aisraele, mi Apwiya Mulluku kinallota wi, ‘Khaweni mwarumeyelle mafanwaanyu! Koma vatulli viwa muneerokiiwellellattho nave khamuwa muripiha nnddina naka naweella voovelleellani emphaso wa mafanwaanyu!

2 Timoteo 4:10

Dema aakonda dda ellapo yavatthi nave ookihiya miyaano aya o Tesalonika. Kresike akelle o Galatiya nave Tito akelle o Dalamatiya.

Zefaniya 1:5

Kineerowoonongattho ayo enakokhora vaddullu va enyumba ddiwa enallapella nndduwa, mweeri ni etheneeri. Kineerowoonongattho ayo enaallapella Apwiya enallupella mu nnddina niwa, nngu ellupellaka mu nnddina na Milikomu.

Genesis 47:17

Sika yaawaana eziweto ddiwa monga akavalo, enkhosa, epuri, eng'ombe ni abulu wa Yosefe, yaakakhaniha ni ddoocha. Muyakha yooyo Yosefe aawinnya ddoocha athwaayo mwawaakakhaniha ni eziweto ddiwannddo.