Mateyu 6:20 - Mawu a Mulluku

²⁰ Koma mwiisungelle nyookha eyuuma oddullu, nko enjenjete ni murawa ddihinoonongiiwawo navettho allupaawiiya khenakhuvulla enyumba ni wiiya.

Mateyu 6:20 ပူးပေါင်းရင်းမြစ်များ

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Mateyu 19:21

Yesu aallota wi, “Wapaalla okhalla aphaama wunchichi, khawe wakullihe ddeko oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

1 Timoteo 6:19

Vawi vaweerani ddiidda eneerewiisungella eyuuma eyo enaakhalle matthipello a muhoollo wi epharesese okumi oyo ori okumikumi.

Luka 18:22

Yesu iiwalleeye ddenndda aallota wa olliye wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Yawuupullulla 2:9

kinnadduwella ohoosiwa ni ohoowa wanyu naari ddawoona ddiwa ddiri ddawi mookhalla ni eyuuma m'munepani. Kinnadduwellattho wi ayo enaddeera Ayuda ehiri yaayo ennuuvaanyihani voollotani epewe, yaayo tti a mulloko wa Satana!

Aheberi 11:26

Aadduwella wi ohoowa ekaamba ya Mesiya* waari woopaalleya wunchichi ohiyana ni eyuuma ettheene ya mu Iguputo vawi atiyerella othuviwa.

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

1 Petro 1:4

Sika vano ninatiyera waakhella madaliso ayo Mulluku anaasungelleeye athwaaye. Anuusungellani nyuwaano oddullu, wenko khenuunta apaalle woonongeya apaalle omalla.

1 Petro 5:4

Nave mbusa muullupalli ooneya, muneerewaakhella emphaso yantitimiho yoohinyaalla.

Yesaya 33:6

Eneerewuuvahani murendelle wookeraattheya va enthawaanyu, ovullusa wuullupalli, odduwella wunchichi ni ezeru ddinchichi vawi owoova Apwiya sika onavaha eyuumayuuma.

Aheberi 10:34

Vawi mwahaamorella ethakaraka ayo yaari mundende nave mwahaakhullella moohakallalla wi ewaakheni eyuumaanyu kaambiiwa munnadduwella wi mookhalla ni eyuuma yawaata ni yoohimalla.

Mateyu 6:19

“Muhiitthukumanihelleke eyuuma va ellapo yavatthimva, mvo enjenjete ni murawa ddinnoonongiiwa navettho mvo allupaawiiya ennakhuvulla enyumba ni wiiya.

Mariko 10:21

Yesu aamuwehesesa moomukonda allota wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”