Mateyu 6:2 - Mawu a Mulluku

² “Sika mwaamuvahaka ello muthu oohoowa, muhinawellaka veeruwani wonanko awoottha ayo enavelleella ddeko mu enyumba ddamavekello* ni m'misewuni. Eneera ddiidda wi athu yaavaheke olemu. Ddawoona, kinimuulleellani wi yaallathi aathuviwa khalle.

Mateyu 6:2 ပူးပေါင်းရင်းမြစ်များ

Mateyu 6:5

“Mwaavekellaka, muhinaphwanaphwanaka ni awoottha! Alla ennakonda wiimella ni ovekella mu enyumba ddamavekello ni m'makhullukano wi arive muthu awooneke. Ddawoona, kinimuulleellani wi yaallathi ahaakhella khalle yoothuviwiiwa.

Mateyu 6:16

“Nave mwaahallaka ocha,* muhinoonihaka ekhove yookhupanya wonanko mmo eneerella awootthaayo. Alliwa ennananariha ekhove ddiwa wi arive muthu oone wi enimahalla ocha. Ddawoona, kinimuulleellani wi yaallathi aathuviwa khalle.

Yohane 5:41

“Mi nginaashaasha otitimihiwa ni athu.

Aheberi 13:16

Muhinatiwalla weera dda echifundo ni okawana nnddo muriinyuna vawi mikutho ddenndda ddinnamuhakallalliha Mulluku.

Luka 20:46

“Chenjerani ni ahuddihi a malamulo vawi ennakonda weeteeta ewanre mikanjo ddiwa ni ovahiwa mooni moolemu mu misika. Ennakondattho otthoolla mipando ddoolemu mu enyumba ddamavekello* ni mapuro oolemu vamachellelloni.

Yohane 7:18

Muthu oyo anallota dda m'muruni mwaye anapaalla ntitimiho na yeekha. Koma oyo anapaalla ntitimiho na oyo aamurumalle, olliye tti awoona nave kheyiivo yawoottha mwa olliyooyo.

1 Petro 4:11

Arive muthu anallalleya, allalleyeke othenga wa Mulluku, arive muthu anarumeyella, arumeyelleke ni masiva oovenyera wa Mulluku wi mu ddeko ddittheddene ntitimiho niyeeke wa Mulluku oweella mwa Yesu Khrisitu. Wa olliye okhalle ntitimiho ni masiva wa enthawi yoohimalla. Amen.

Masalimo 37:21

Muthu oonanara annaddivelliwa okongola koma khanawora ohokollosa, koma oolungama annakhalla ni murima waphaama ni woovaha.

Aefeso 4:28

Ayo yaari allupaawiiya enaphwanella ehiye wiiyanko nave yaambe ophara mutteko wi yiiphwanyelleke eyuuma mwaphaama wi eworeke waavaha athu oohoowa.

Agalatiya 2:10

Eyo yaanivekilliiwa tti yawi niwuupuwelleke athu oohoowa mumpingoni mwiwa, yeeyottho sika kikhanlleemi kipaallaka ollipihella.

Mitteko 10:4

Olliye aamuweha mungeloolle oovaka akoha wi, “Apwiya, tti waphaama?” Mungeloolle ahaakhulla wi, “Mavekellwaawo navettho waakavihera wawo oohoowa ddohaakhullelliwa ni Mulluku wonanko mukutho.

Hoseya 8:1

Apwiya enallota wi, “Ipani nipallapata! Adani aatthukumanella enyumba ya Apwiya wonanko mipungu va enama yookhwa. Athu aatathilla echipanganwaaka nave aachimwella malamulwaaka.

1 Timoteo 6:18

Waalamulelle wi yeereke ddaphaama, ekhalle ni mitteko ddaphaama ddawaata nave ekhalle ni murima woovaha ni wookonda waakawella amodda.

Aroma 12:8

Emphaswaahu yakhalla yawaallipiha amodda, naalipiheke. Oyo anaakavihera amodda, eereke ddiiddo mwawoollowa matta. Oyo ari ni olamulello, alamulelleke phaama. Oyo anaweerella amodda echifundo, eereke ddiiddo moohakallalla.

Mitteko 24:17

“Kavenyilleemi o Yerusalemu kaahokollowa vimanlle miyakha ddinchichi nave kaawaana wa athu a mutundwaaka makobiri ovenyera wa ookhulupilila amodda nave wi kiheraatthi mukutho.

Mitteko 10:31

nave allota wi, ‘Korineliyo! Mavekellwaawo ahiiweya navettho waakavihera wawo oohoowa wohaakhullelliwa ni Mulluku wonanko mukutho.

Mitteko 10:2

Aanamoova Mulluku, olliye ni nibanja naye nittheene. Aaneerattho ddeko ddinchichi waakavihera Ayuda oohoowa nave aanavekella wa Mulluku mallapo mattheene.

Mitteko 9:36

Vano mu Yopa mwaakhalla oohuddera aamutthiyana mmodda nnddina naye Tabita. (Mu Egriki nnddina naye ninattaphullella Dorika.) Aaneera mitteko ddinchichi ddaphaama anaakavihera oohoowa

Yohane 13:29

Vawi kaambiiwa Yudasi aari oosunga nthumba na makobiri, amodda yaaganiza wi Yesu amulleella wi akulle ddoopaalleya dda va Ehakallallo ya Paska. Apaalle wi aavahe makobiri athu oohoowa.

Yohane 5:44

Nyuwaano munnatitimihana koma khamunaashaasha ntitimiho noovahiwa ni Mullukuve. Vano munaakhulupilile mwawiidde?

Luka 6:42

Onawora ollota wa mukhwaawo wi, ‘Kinapaalla kimuvenyihemo mwaneello ari m'mwiitthoni mwawommo,’ weyaano ohinavenyihemo murinda ori m'mwiitthoni mwawo? Nyu awoottha! Mwaambe ovenyihamo murinda ori m'mwiitthoni mwanyu nave muneerowora woona phaama wi mumuvenyihemo mwaneello ari m'mwiitthoni mwa mukhwiinyu.”

Mariko 12:39

Ennakondattho otthoolla mipando ddoolemu mu enyumba ddamavekello* ni mapuro oolemu vamachellelloni.

Miyambo 20:6

Athu anchichi ennallalleya dda oreera murima wiwa koma ttaani anaamuphwanye oororomelleya?

Miyambo 19:17

Wamuvaha muthu oohoowa waakongolihalle Apwiya nave eneerewuuhokollosella ddaweera ddawo.

Masalimo 112:9

Annavelleella moohummella wa athu oohoowa, Echilungamwaaye tti yoohimalla, aneeroriihiwa ni ovahiwa olemu.

Filemoni 1:7

Vawi mwanamunnaka, echikondaawo yookihakallalliha ni okillipiha murima wunchichi! Nave wohaallipiha mirima athu a Mulluku.

1 Atesalonika 2:6

Khanaapanlle waakhella olemu ovenyera wa arive muthu naari ovenyera wa nyuwaano apaalle wa amodda.

Mitteko 11:29

Sika oohuddera yahiiwanana wi tti waphaama wi erumiheke ddeko ddawaakavihera ookhulupilila akhwiiwa o Yudeya moollikana ni eyuumiiwa.

Luka 13:15

Apwiya yahaakhulla wi, “Awoottha nyu! Khe nyuwaano munattaphulla eng'ombe ddanyu apaalle abulwaanyu vamukweeni muyaakana wowaawiryiha maaddi va nllapo na Sabata?

Luka 12:56

Nyu awoottha, munnadduwella ollotella wooneya wooddullu ni ellapo yavatthi koma khamunawora ottaphullella ezizindikiro dda enthawi yeella. Munnadduwella ollotella wooneya wa va ellapo yavatthi ni oddullu koma kaambiiwa tini muhinadduwellaanyu ottaphullella wa enthawi yamuttano?

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Luka 11:43

“Mookhalla ni otulli nyuwaano Afarisi! Vawi munnakonda mipando ddoolemu mu enyumba ddamavekello* ni ovahiwa mooni moolemu m'misikani.

Luka 11:41

Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

Luka 6:24

“Koma ootulli tti nyuwaano muri ni eyuuma, vawi mohaakhella khalle yowuuhakallallihani.

Mariko 7:6

Yesu awaakhulla wi, “Awoottha nyu! Yesaya aallotella ddawoona dda nyuwaano eerilleeye, ‘Mulluku aallota wi, athwaalla enakititimiha miyaano ni vayanonive, koma mirima ddiwa ddoorekamellana ni miyaano.

Mateyu 24:51

Apwinnyaalle eneeromuphaddaphadda nave eneeromullaka wonanko athu awoottha. Eneerekewinlla ni okhuuriha miino.

Mateyu 23:6

Ennakonda mapuro oolemu vamachellelloni ni mipando ddoolemu mu enyumba ddamavekello.*

Mateyu 22:18

Koma Yesu aadduwella dda wiiwanana ddiwa ddoonanara nave aallota wi, “Awoottha nyu munakeesella tini?

Mateyu 16:3

Nave ohinase munallota wi, ‘Ollello oneerokhalla ephevo yuullupalli kaambiiwa oddullu tti woofiira mwawoopiha.’ Munnadduwella ollotella wooneya wooddullu koma khamunawora ottaphullella ezizindikiro dda enthawi yeella!

Mateyu 15:7

Awoottha nyu! Yesaya aallotella ddawoona dda nyuwaano eerilleeye,

Yesaya 58:7

Eettalla mwaakawelleke ddoocha ddanyu nave oorama vookhalla mwaakawellekewo nipuro nanyu, oosiwa mumvaheke yoowara nave mwaakavihereke abalaanyu.

Yesaya 9:17

Ekaamba ya yeella Apwiya khewa ehakallalla ni asombwe nave kheyaamoriwella ethakaraka akhwaadduni ni anamukhwelle, vawi arive muthu khanapwatha dda Mulluku, tti oochimwa nave anallota ddoonanara. Komave osha murima wa Apwiya khonaamallelle. Ekaamba ya yeella Apwiya ahaashella murima nave ahaattaphurusella athwaayo nnatta wi ewiiphe.

Oollalleya 11:2

Kawa eyuuma ezigawo dditthanu ni piilli apaalle dditthanu ni raru vawi khonadduwella otulli oyo onaamore vatthimva.

1 Samuele 15:30

Vano Saulo aallota wi, “Mi koochimwa komave mukivahe olemu vamiitthoni va owaahoollella athwaaka ni vamiitthoni va Aisraele attheene nave mwaarowaka nithaanane wi kaallapelle Apwiya Mullukwaanyu.”

Mateyu 7:5

Nyu awoottha! Mwaambe ovenyihamo murinda ori m'mwiitthoni mwanyu nave muneerowora woona phaama wi mumuvenyihemo mwaneello ari m'mwiitthoni mwa mukhwiinyu.

Mateyu 5:18

Vawi kinimuulleellani ddawoona wi, ophiyera oddullu ni ellapo yavatthi ddimallille, khaviwa vivenyihiwa nlemba ning'onong'ono nimodda naari etthoka emodda va malamulwaalla ophiyera ddittheddene ddeeriwe.

Yesaya 10:6

Kinamuruma wa mutundu woohipwatha dda Mulluku nave kinamulamula wi aye wa athu ayo kaananariwelleemi wi atthukumanihe ni waakha eyuumiiwa ettheene ni waanyingallella wonanko matokwi a m'musewuni.”

Mateyu 6:3

Koma nyuwaano mwaamuvahaka ello muthu oohoowa, nnatta noonyottho nihidduwelle eyo nineera nnattanatta,

Mateyu 23:5

Enneera erive ello wi athu ewoone. Ennaddimakellella vayuuchini ni vamuwononi mahutta anttapara uullupalli a mawu a Mulluku. Nave ennarekamihattho manyenje a malayiiwa.

1 Akorinto 13:3

Naari kikaweke ddeko ddaka ddittheddene nave naari kivelleelle mwiillaaka wi woosiwe, koma kaahikhalla ni echikondi yaakayaaka khekhallavo.