Mateyu 6:19 - Mawu a Mulluku

¹⁹ “Muhiitthukumanihelleke eyuuma va ellapo yavatthimva, mvo enjenjete ni murawa ddinnoonongiiwa navettho mvo allupaawiiya ennakhuvulla enyumba ni wiiya.

Mateyu 6:19 ပူးပေါင်းရင်းမြစ်များ

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

Luka 12:21

Voomallihani Yesu aallota wi, “Ddinaakhalle ddiiddo ni athu oodduukellellella weekhiiwa eyuuma koma khenakhallattho allupa a eyuuma vamiitthoni va Mulluku.”

Miyambo 16:16

Ophwanya ezeru tti waphaama okhwaranya omuphwanya golide nave ophwanya wiiwesesa tti waphaama okhwaranya omuphwanya siliva.

Miyambo 11:4

Eyuuma khenakavihera va nllapo na osha murima koma echilungamo sika enavullusa wuukhwaani.

Luka 18:22

Yesu iiwalleeye ddenndda aallota wa olliye wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

Luka 18:24

Yesu oonilleeye wi aakhupanya wunchichi aallota wi, “Tti wookatamiha wi athu eeyuuma yavollowe mu omwene wa Mulluku!

Masalimo 62:10

Muhiroromelleke dda echiwawa wi ddineerewuukaviherani, muhiganize wi wiiya muneerophurana ello, eyuuma yaata muhinahiyavo murima.

Masalimo 39:6

Ddawoona, muthu ari wonanko muuthuuchi, annakatamihiwa ni ddoohikhalla ni mutteko, annasunga eyuuma moohidduwella oyo anaayiche.

Mateyu 19:21

Yesu aallota wi, “Wapaalla okhalla aphaama wunchichi, khawe wakullihe ddeko oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Yobu 31:24

Ngihiyalle murimaaka va eyuuma apaalle omuroromella golide aphaama.

Oollalleya 2:26

Vallethi muthu aphaama vamiitthoni va Mulluku annamutthattusa oodduwella, eezeru ni oohakallalla. Koma oochimwa annamuvaha mitteko ddawuurulla ni otthukumaniha ddeko vatulli viwa ddittheddenennddo ddinnavahiwa wa muthu oomuhakallalliha Mulluku. Ddittheddenennddo khaddinna mutteko nave oddaashaasha ddenndda tti wiikatamiha.

Eksodo 22:2

“Mullupaawiiya aphwanyeya akothollaka enyumba mahiiyu nave iiphiwa, muthu amwiiphallooyo ahillakiwe ekaamba ya nikhame na mullupaawiiyooyo.

Yobu 24:16

Awiiya enninttaka enyumba mwiipiphini, otthaana enniiwallella weekhiiwa, khenapaalla woona owala.

Mateyu 6:20

Koma mwiisungelle nyookha eyuuma oddullu, nko enjenjete ni murawa ddihinoonongiiwawo navettho allupaawiiya khenakhuvulla enyumba ni wiiya.

Luka 12:39

Nave munnadduwellattho wi mwaneena a enyumba adduwenlleke enthawi yooweella mullupaawiiya, aaweerotiyera wi mullupaawiiyooyo ahikhuvulle enyumbaayeeyo.