Mateyu 5:6 - Mawu a Mulluku

⁶ Oodalisiwa tti ayo enavolliwa ettalla ni nthona noopaalla weera echilungamo, vawi Mulluku aneerewakwakhwanihella ddoopaalla ddiwa!

Mateyu 5:6 ပူးပေါင်းရင်းမြစ်များ

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Masalimo 107:9

Apwiya ennamuwiryiha muthu oovolliwa nthona, ennamuchiha ddeko ddaphaama oovolliwa ettalla.

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”

Masalimo 145:19

Ayo enawoova Apwiya ennavahiwa ddoopaalla ddiwa, ennawiiwa winlla wiwa, ennaavullusa.

Yohane 7:37

Va nllapo noomallihella navettho nuullupalli na ehakallallo Yesu ahiimella allota mookhuwa wi, “Muthu avolliwa nthona anaphwanella awe wa miyaano wi awirye.

Yawuupullulla 7:16

Khewa evolliwa ettalla apaalle nthona naari nndduwa ni oviha wiwa khaddiwattho ddiwoosa.

Luka 6:21

Oodalisiwa tti nyuwaano munavolliwa ettalla ollello, vawi muneerovona. Oodalisiwa tti nyuwaano muninlla ollello, vawi muneerottheya.

Yesaya 44:3

Kineerohella maaddi veellaponi yawumma, kineereweetiha mihinje muchipululuni. Kineerewaarumihella anaawo munepaaka, kineerokitthiha madaliswaaka va edduullu ddawo.

Luka 1:53

Athu oohoowa ohaakwakhwanihella ni ddeko ddaphaama, nave athu eeyuuma ahaahokollosa ahaavahille ello.

Yesaya 65:13

Sika Apwiya Mulluku enallota wi, ‘Ngoonani, oorumeyellaaka eneerocha koma nyuwaano muneerokhalla ni ettalla. Oorumeyellaaka eneerowirya koma nyuwaano muneerovolliwa nthona. Oorumeyellaaka eneerohakallalla koma nyuwaano muneerowulliwa muru.

Masalimo 65:4

Oodalisiwa tti muthu oyo mwamutthoonlleenyu oyo munamweeriheenyu wi akhalleke m'mathatonaanyu. Munivonihe ni ddeko ddaphaama dda mu enyumbaanyu, enyumbaanyu yaweella.

Yesaya 25:6

Va mwaango wa Ziyoni Apwiya Amasiva Mattheene eneerokeraatthihella mitundu ddittheddene dda athu machellello a ddoocha ddooddiva ni a vinyo aphaama, machellello a enama yoonuna ni a vinyo ooddivesesa.

Masalimo 84:2

Murimaaka onnapaalla, ophiyera ongomowa opaallesesa woona nipuro na Apwiya. Nyu Mulluku Ookumi, kinnawiipellani moohakallalla ni murimaaka muttheene.

Luka 6:25

Ootulli tti nyuwaano murina yoocha ollello, vawi muneerovolliwa ettalla. Ootulli tti nyuwaano munattheya ollello, vawi muneerewinlla ekutho ni omora miitthori.

Yesaya 41:17

Oopaneya ni oohoowa vawaashaashani maaddi, koma oohaaphwanya nave ommilloni wiwa wohumma, mi Apwiya kineerewaakhulla ovekella wiwa, miyaano Mulluku a Israele ngiwa kaahiya.

Masalimo 63:5

Muneerokivoniha ni ddoonuna, kineerewuutitimihani ni mawu oohakallalla.

Masalimo 17:15

Koma miyaano ni echilungamwaaka, kineerewoona ekhovaanyu. Kineerohakallalla ni mooneeyellwaanyu kavenya.

Nchipo na Solomoni 5:1

Koovollowa m'matani mwaka, we murokoraka, mwaaraka. Kinamuhata muraaka ni ddawunkhelliha yoocha ddaka. Kinacha enwaaka ni makallaphaaka. Kinamuwirya vinywaaka ni mukakaaka. Anamwalli Nyu ookondana, chani nave wiryani. Nyu ookondana, lezelani ni echikondi!

Yesaya 66:11

Muneerewaamwa ni ovona ni mapelle a ddookhurumusa murima ddaye, muneerowamulla mukaka ni ohakallalla ni waata wa oriiheya waye.

Miyambo 10:24

Eyo muthu oonanara anayooveeye eneeromumorella koma eyo anapaalla oolungama aneerovahiwa.

Miyambo 21:21

Muthu oothwara echilungamo ni echifundo eneerophwanya okumi, echilungamo ni olemu.

Yeremiya 31:25

Kineerewaahihimulla athu oofooka nave athu eettalla kineerewaachiha ophiyera evonne.