Mateyu 5:45 - Mawu a Mulluku

⁴⁵ wi moonihe wi muri anamwani a Attiitthaanyu ooddullu. Vawi annoopiha nndduwa wa athu oonanara ni aphaameene nave annamurupiha murimu wa ayo eneera ddoonanara ni wa ayo eneera ddaphaama.

Mateyu 5:45 ပူးပေါင်းရင်းမြစ်များ

Masalimo 145:9

Apwiya tti aphaama wa attheene, ennaddeerella echifundo ddittheddene yaddiphatusalliiwa.

Luka 6:35

Akondeni adanaanyu vooweerellani ddaphaama, kongolihani koma muhitiyere waakhella ello. Muneerothuviwa wuullupalli nave muneerokhalla anamwani a Mulluku muullupalli. Vawi tti aphaama wa athu oohithokoza ni oonanareene.

Mitteko 14:17

Koma mallapo mattheene aaddeerella omboni wawi ookhallawo oweella mu ddeko ddaphaama eerilleeye. Annuuvahani murimu ovenyera oddullu ni ezipaso va enthawiiwa. Annuuvahani ddoocha navettho anaddalliha mirima ddanyu ni ehakallallo.”

Yobu 25:3

Ethiyo milloko ddaye ddakhoto ttuuweerengeya? Ttaani ahinamolleelliwa ni owala waye?

Aefeso 5:1

Vawi nyuwaano tti anamwani ookondiwa a Mulluku, munaphwanella okhalla wonanko olliye.

Mateyu 5:9

Oodalisiwa tti ayo enawiiha murendelle, vawi Mulluku aneerewaaromolla wi anaaye.

Yohane 13:35

Mwaakondanaka mmodda ni mukhwaaye, arive muthu aneerodduwella wi nyuwaano tti oohudderaaka.”

1 Yohane 3:9

Ayo eyariwe mwa Mulluku khenavirellella ochimwa vawi mmiddo wa Mulluku ori mwa alliwaayo. Nave kaambiiwa Mulluku sika Attiitthiiwa, khewora ovirellella ochimwa.

Yeremiya 5:24

Khamunaganizereke ddookoova miyaano Mullukwaanyu oyo anuuvahani murimu a ntthokollapallaka ni murimu awaallella va enthawi yaphaama ni enthawi yoohata orive muyakha.

Afilipi 2:15

wi mukhalle oohichimwa ni aweella wonanko anamwani a Mulluku aphaama ayo enakhalla mu ellapo ya athu oonanara ni oolleka. Munaphwanella muwaleke variyari va yaayo wonanko etheneeri ddoowala.