Mateyu 5:4 - Mawu a Mulluku

⁴ Oodalisiwa tti ayo enoopa ekutho vawi Mulluku aneerewaallipiha murima!

Mateyu 5:4 ပူးပေါင်းရင်းမြစ်များ

Yawuupullulla 21:4

Olliye aneerewaavutta miitthori m'miitthoni mwiwa. Khowattho okhalla okhwa winlla wiiwa ovoreya naari ekutho. Ddeko ddakhalle ddoovira.”

Yesaya 57:18

“Kahoona mmo yeerelliiwa komave kineerewaachiriha. Kineerewaahoollella ni waakhurumusa murima nave anaminlla eneerokithokoza ni eyano ddiwa.

Luka 6:21

Oodalisiwa tti nyuwaano munavolliwa ettalla ollello, vawi muneerovona. Oodalisiwa tti nyuwaano muninlla ollello, vawi muneerottheya.

Yakobo 1:12

Oodalisiwa tti yaayo enavillella vaweesiwani kaambiiwa yapambana weesiwanko, eneerewaakhella emphaso yookumi eyo Mulluku alonjezilleeye wa athu oomukonda.

Yesaya 25:8

Apwiya Mulluku eneeromirya okhwa ophiyera wa enthawi yoohimalla, eneerovutta miitthori m'mwiitthoni mwa arive muthu nave eneeromalliha owulliwa muru wa athwiiwa va ellapo yavatthi ettheene. Mi Apwiya koollota.

Yesaya 66:10

Hakallallani ni Yerusalemu, muthapelle ekaamba ya olliye, nyu attheene ookonda muzindoolla. Nyu attheene muninllella muzindoolla, hakallallani ni olliye moothapella.

Ezekiele 9:4

Yaamulleella wi, “Khawe o muzinda muttheene wa Yerusalemu, wahiye echizindikiro va eyuuchi ya arive muthu oyo aninlla ni wiipullella ekaamba ya onanariwa ni ddoonanara ddineereya wenko.”

Yesaya 35:10

Ayo Apwiya yawooponlliiwa eneerohokollowa, eneerophiya o Ziyoni yiipaka moohakallalla. Wenko eneerohakallalla wa enthawi yoohimalla, eneerothapella ni ohakallalla, ethakaraka ni winlla ddineeromalla.

Yesaya 30:19

Ddawoona, nyu athu a o Ziyoni, ookhalla o Yerusalemu, khamwinllattho. Apwiya eneeroweerellani echifundo vawiiwa winlla wanyu nave va enthawi yeeyo aneerowaakhullani.

Luka 16:25

“Koma Abrahamu aallota wi, ‘Mukhwaaka, upuwella wi waavahiwa ddeko ddaphaama mu okumaawo, mvo Lazaro aariiye ni ddeko ddoonanara. Vano olliye animahakallalla wuno koma weyaano onimahoowa.

Ezekiele 7:16

Oohalla ayo enaavulluwe, enaakhalleke m'miyaangoni nave aneerekewinlla wonanko ekhunda. Arive muthu eneerekewiipullella ekaamba ya machimwaaye.

Luka 6:25

Ootulli tti nyuwaano murina yoocha ollello, vawi muneerovolliwa ettalla. Ootulli tti nyuwaano munattheya ollello, vawi muneerewinlla ekutho ni omora miitthori.

Yesaya 12:1

Nllapo nenno arive muthu aneerollota wi, “Kinnuuthokozani nyu Apwiya, vawi naari mwakishenlle murima, osha murima wanyu waariirya nave mwaakikhurumusa murima.

Luka 7:50

Nave Yesu aallota wa mutthiyanooyo wi, “Echikhulupilwaawo yohuuvullusa, rowa ni murendelle.”

Luka 7:38

Nave ahiimella vakhuviru ni manyallo a Yesu, aninlla nave aamba onaaniha manyallo a Yesu ni miitthori. Vano aapukuta manyallwaayo ni meehaaye nave ooniha olemu vookhupaarellani manyallwaayo nave aazoza makhura a nthuko naphaama.

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.