Mateyu 5:30 - Mawu a Mulluku

³⁰ Nnatta nawo nuuchimwiha oniphadde nave onitathille! Tti waphaama wa weyaano wi emodda ya eziwalo ddawo etathilliwe ohiyana ni wi okhallena mwiillaawo muttheene koma ovokhiwe mu gehena.”

Mateyu 5:30 ပူးပေါင်းရင်းမြစ်များ

Mariko 9:43

Sika nnatta nawo nuuchimwiha, oniphadde! Tti waphaama wa weyaano wi wavollowe mu okumi woohimalla ori oophaddeya nnatta ohiyana ni okhalla ni matta meelli oyaana o gehena, omunlloni woohithiima.

Mateyu 5:29

Sika niittho nawo nuuchimwiha, onikhorokottemo navettho onitathille! Tti waphaama wa weyaano wi emodda ya eziwalo ddawo evenyevo okhwaranya okhalle nimwiillaawo muttheene koma ovokhiwe mu gehena.

1 Petro 2:8

Nave mawu a Mulluku amodda eni, “Nna sika nlluku ninaakwakwatuwihe athu, nlluku nno ninaakuhe.” Moollikana ni opaalla wa Mulluku, yaakwakwatuwa kaambiiwa kheyiiwellelle mawu a Mulluku.

1 Akorinto 8:13

Sika vano yoocha yamukwakwatulliha mwanamunnaka apaalle murokoraka, ngiwa kichattho enama yeella wi kihaakwakwatullihe.

Luka 17:2

Waaweerokhalla waphaama wi nlluku na nsillo namakellelliweke munikohini mwaye nave avokhiwe mu enyanja ohiyana ni wi muthu yoolla amweerihe mmodda a ang'onong'onwaalla ahiye okikhulupilila miyaano.

Mateyu 13:21

Koma enakhalla wonanko ddoomella ddoohikhalla ni misisi nnddo ddihinallekella onyaalla. Vawi ddookatamiha ni ddoohoosa ddawa kaambiiwa enakhulupilila othengooyo, ennahiya enthawi yeeyo.

Luka 12:5

Kineerewuutthoonyiherani oophwanella omoova. Mumooveke Mulluku oyo iipha mwiilli annakhallattho ni olamulello womuvokha muthu mu gehena. Kikhulupilileni miyaano, kinimuulleellani ddawoona wi yooyo sika munaphwanelleenyu wi mumooveke!

Agalatiya 5:11

Nave miyaano, asinnaka ni arokoraka, kavirellella ollalleya wi ophaddiwa tti woopaalleya, kinahoosiwa kaambiiwa tini? Ddaariki ddawoona, sika ollalleya waka wa dda mutanda wa Khrisitu khawaaweerihe ddookatamiha.

Aroma 9:33

nno mawu a Mulluku enallota dda nenno wi, “Kinnakeraatthiha nlluku mu Ziyoni nno ninaakwakwatuwihe athu, nlluku nno ninaakuhe. Koma oyo anamuroromella olliye khawa awullihiwa muru.”

Mateyu 26:31

Vano Yesu aallota wi, “Nyu attheene muneerothawa okihiya meekhaaka mahiiyu yaalla vawi woolembiwa wi, ‘Mukakathe mbusa nave enkhosa dda mulloko ddineeropallalleya.’

Mateyu 22:13

Vano mwenoolle ahaalleella allupa muttekwaaye wi, ‘Mumakeni yooyo matta ni meto mumuvokhelle mwiipiphini yavaatte. Wenko aneerekewinlla ni okhuuriha miino.’ ”

Mateyu 25:20

Mullupa mutteko aakhenlle makobiri matthanoolle aawaanattho makobiri matthanu mamodda allota wi, ‘Apwiya, mwaakivaha makobiri matthanu. Ngoonani, koopindulavo makobiri matthanu mamodda.’

Mateyu 16:23

Koma Yesu aamurukunuwella Petro allota wi, “Okivenyerevo, Satana! Weyaano tti oolepheliha muttekwaaka kaambiiwa maganizwaawo khenavenyera wa Mulluku koma wa athu.”

Mateyu 11:6

Nave oodalisiwa tti ayo ehinakhumuwa ni dda miyaano!”

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Mateyu 17:27

Koma khaninapaalla waashiha murima athu yaalla. Sika khawe o enyanja wamedde ehomba. Ehomba yawaambeella omedda waatthamihe eyano nave muwano mwaye oneerophwanyamo makobiri ookwakhwanella okhomella musonkhwaaka ni waawo wa enyumba ya Mulluku. Waakuse nave wakhomelle misonkho ddahu.”

Mateyu 18:8

“Nnatta nawo apaalle nnyallo nawo nuuchimwiha, oniphadde nave onitathille! Tti waphaama wa weyaano wi wavollowe mu okumi woohimalla ori oophaddeya nnatta apaalle nnyallo ohiyana ni okhalla ni matta meelli apaalle manyallo meelli koma ovokhiwa m'munlloni woohimalla.