Mateyu 5:29 - Mawu a Mulluku

²⁹ Sika niittho nawo nuuchimwiha, onikhorokottemo navettho onitathille! Tti waphaama wa weyaano wi emodda ya eziwalo ddawo evenyevo okhwaranya okhalle nimwiillaawo muttheene koma ovokhiwe mu gehena.

Mateyu 5:29 ပူးပေါင်းရင်းမြစ်များ

Aroma 8:13

Vawi mwakhalla moollikana ni omuthwaanyu, muneerokhwa koma mwahiya ddaweera ddanyu ddoonanara mookaviheriwa ni Munepa Waweella, muneerokhalla akumi.

Akolose 3:5

Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).

1 Akorinto 9:27

Kinnahiiha ni owutthattusa kaporo mwiillaka wi kihilephele kiri miyaano killalleyille othenga waphaama wa amodda.

Aroma 6:6

Nave ninnadduwella wi makhallellwaahu akhalle aakhwa vamodda ni Khrisitu vamutandani wi masiva a makhallellwaahu oochimwa yoonongiwe wi nihikhalle akaporo a machimo.

Agalatiya 5:24

Nave ayo eri a Khrisitu Yesu aatthomeya vamutandani omuthwiiwa ni ddoopaalla ddiwa ni minkhella ddiwa.

Mariko 8:36

Muthu anaapindulevo tini aakhella ellapo yavatthi ettheene atathilla okumaaye?

Mateyu 19:12

Vawi vookhalla ddeko ddoohiyanahiyana ddinaweeriha athu ohitthella. Amodda kaambiiwa yaayariwe ddiiddo; amodda, tti kaambiiwa athu yahaahulla; nave amodda khenatthella kaambiiwa enapaalla emullapelleke phaama Mulluku. Yooyo anawora wiiwesesa ehuddihweella, iwesese.”

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Mateyu 23:15

“Mookhalla ni otulli ahuddihi a malamulo ni Afarisi, awoottha nyu! Munneeteeta virive veko omwaashaasha muthu oyo ahiri Muyuda wi athwareke echikhulupililwaanyu. Athwara echikhulupililwaanyu munnamweeriha yooyo wi allakiwe o gehena ohiyana ni nyuwaano wiilli.

Mateyu 16:26

Muthu anaapindulevo tini aakhella ellapo yavatthi ettheene atathilla okumaaye? Apaalle muthu anaavelleelle tini wi ahokolloselliwe okumaaye?

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Mateyu 23:33

“Nyu enowa nave anamwani a enowa! Munaathawe mwawiidde ollaka waye wa gehena?

Luka 12:5

Kineerewuutthoonyiherani oophwanella omoova. Mumooveke Mulluku oyo iipha mwiilli annakhallattho ni olamulello womuvokha muthu mu gehena. Kikhulupilileni miyaano, kinimuulleellani ddawoona wi yooyo sika munaphwanelleenyu wi mumooveke!

Mateyu 5:30

Nnatta nawo nuuchimwiha oniphadde nave onitathille! Tti waphaama wa weyaano wi emodda ya eziwalo ddawo etathilliwe ohiyana ni wi okhallena mwiillaawo muttheene koma ovokhiwe mu gehena.”

Mateyu 11:6

Nave oodalisiwa tti ayo ehinakhumuwa ni dda miyaano!”

Mateyu 17:27

Koma khaninapaalla waashiha murima athu yaalla. Sika khawe o enyanja wamedde ehomba. Ehomba yawaambeella omedda waatthamihe eyano nave muwano mwaye oneerophwanyamo makobiri ookwakhwanella okhomella musonkhwaaka ni waawo wa enyumba ya Mulluku. Waakuse nave wakhomelle misonkho ddahu.”

Yobu 20:13

Khanapaalla ohiya oyuurama, annayisungave muwano mwaye.