Mateyu 5:17 - Mawu a Mulluku

¹⁷ “Muheese miyaano koowa va ellapo yavatthi wi kaahiihe malamulo a Mose ni ehuddiho ya anamallotella. Ngiwiille wi kaahiihe malamulwaayo koma wi kaakwakhwanihe.

Mateyu 5:17 ပူးပေါင်းရင်းမြစ်များ

Aroma 10:4

Vawi Khrisitu ookwakhwaniha malamulo wi arive muthu anakhulupilila alungamihiwe vamiitthoni va Mulluku.

Luka 16:17

Nave tti ddookhweya wi oddullu ni ellapo yavatthi ddimalle ohiyana wi nlemba ning'onong'ono nimodda namalamulo nivenyihiwe.

Aroma 8:4

Mulluku aheera ddenndda wi echilungamo yoopaalleya ya malamulo ekwakhwanihiwesese mwa hiyaano ninakhalla moollikana ni Munepa ohiri moollikana ni omuthu.

Aroma 3:31

Ethiyo malamulo khenna mutteko ekaamba ya echikhulupililo? Khe ddiiddo! Koma ninnasimikiza malamulwaayo.

Yesaya 42:21

Ekaamba ya echilungamwiiwa Apwiya yaapaallesesa wi malamulwiiwa ekhalle avaddullu ni oolemu.

Mateyu 7:12

“Muweerelleke athu amodda nnddo munapaalleenyu wi eweerellekeni nyuwaano. Nngu sika ottaphullella wa malamulo a Mose ni ehuddiho ya anamallotella.

Mateyu 3:15

Koma Yesu aamwaakhulla wi, “Waakhullelle vano vawi mwawi ddiidda nineerokwakhwaniha echilungamo ettheene.” Vano Yohane ahaakhullella.

Mitteko 18:13

Ellota wi, “Muthu yoolla annaakopa athu wi emullapelleke Mulluku moohithwara malamulo!”

Mitteko 6:13

Nave yaawaana amboni awoottha ayo yallota wi, “Muthu yoolla khahiyalle ollota ddoovaanyiha nipuro noopatuleya ni malamulo a Mose.

Yohane 8:5

Mu malamulwaahu Mose aalamulella wi mutthiyana awi ddiidda iiphiwe voomuvokhani malluku. Vano nyuwaano munihina tini?”

Mitteko 21:28

Yaakhuwa wi, “Aisraele nyu! Nikavihereni, olla sika muthu olle ayiille virive veko ahuddihaka ddawaavaanyiha Aisraele, malamulo a Mose ni enyumba ya Mulluku. Navettho ohaavollochiha athu ayo ehiri Aisraele mu enyumba ya Mulluku nave anaripiha nipuro noopatuleyanna!”