Mateyu 5:14 - Mawu a Mulluku

¹⁴ “Nyu muri wonanko owala wa athu attheene a va ellapo yavatthi. Muzinda oyo omakiwe vamwaangoni khonaworeya ovittheya.

Mateyu 5:14 ပူးပေါင်းရင်းမြစ်များ

Afilipi 2:15

wi mukhalle oohichimwa ni aweella wonanko anamwani a Mulluku aphaama ayo enakhalla mu ellapo ya athu oonanara ni oolleka. Munaphwanella muwaleke variyari va yaayo wonanko etheneeri ddoowala.

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

1 Atesalonika 5:5

Nyuwaano attheene tti athu a owala ni a otthaana. Khaniri a mahiiyu naari a epiphi.

Miyambo 4:18

Koma ettilla ya athu oolungama tti wonanko owala wa ohinase nko onaanjerereya vang'ono vang'ono ophiyera otthaana.

Yohane 12:36

Khulupililani owala enthawi yeeyo muriinyu mu owala wi mukhalle athu a owala.” Yesu amallihalle ollota ddenndda, aavenyavo iipittha.

2 Akorinto 6:14

Muhaattaneke ni athu oohikhulupilila. Echilungamo ni yoonanara ddinaathaanane mwawiidde? Epiphi ni owala ddinaathaanane mwawiidde?

Yohane 5:35

Yohane aari wonanko enyali ni yoowala nave nyuwaano mwaatthoolla ohakallallana owalanko enthawi yoyeva.

Yawuupullulla 1:20

Nngu sika ottaphullella wa etheneeri dditthanu ni piilli onooneewe ddiri mu nnattanatta mwaka ni ddoohiyavo enyali dda golide dditthanu ni piilli. Etheneeri dditthanu ni piillinnddo sika oohoollella a mipingo mitthanu ni miilli nave ddoohiyavo enyali dditthanu ni piillinnddo sika mipingo.

Yohane 9:5

Miyaano vookhallani mu ellapo yavatthi, kiri owala wa ellapo yavatthi.”

Yawuupullulla 2:5

Upuwellani nko mumorelleenyuwo. Rukunuwani murima nave mweereke mweereenyu vawaamba valle. Mwaahirukunuwa murima kineeroowa kivenyihevo yoohiyavo enyaalaanyu vanipuroni viwa.

Ezekiele 5:5

Apwiya Mulluku enallota wi, “Olla tti Yerusalemu. Koomuhiya variyari va mitundu nave aapheelliwe ni ellapo ddimodda.