Mateyu 4:13 - Mawu a Mulluku

¹³ Aavenyawo o etawoni ya Nazareti nave aaya akhalla o Kaperenao, etawoni ya mukhwipi mwa enyanja ya Galileya,* mu malire a Zebuloni ni Nafutali.

Mateyu 4:13 ပူးပေါင်းရင်းမြစ်များ

Yohane 4:46

Vano Yesu aahokollweella o Kana mu Galileya nko khalle aatthattusalleeye maaddi okhalla vinyo. Wenko waakhalla muttekweene a o boma o Kaperenao nave mwanaye aamullopwana aanavoriiwa.

Mariko 1:21

Yesu ni oohudderaaye yaawa o etawoni ya Kaperenao nave niphiyalle nllapo na Sabata aavollowa mu enyumba yamavekello anaahuddiha.

Mateyu 11:23

Nave wa nyu athu a o Kaperenao, muneesa muneerowellihiwa ophiyera oddullu? Iyaayi Mulluku aneerewuukitthihani ophiya o gehena. Ddoottikhiniha ddeeriwe wa nyuwaano ddeeriweke wa athu a o Sodomu, muzinda yoolla waweerokhallavo ophiyera ollello.

Yohane 6:59

Yesu aallotille ddenndda ahuddiheeye mu enyumba yamavekello o Kaperenao.

Yohane 6:24

Athwaalle yoonille wi Yesu khaavo ni oohudderaaye kheyiivo, yaawella ekallawanndde eya o Kaperenao woomwaasha Yesu.

Yohane 6:17

Nave waaripa Yesu ahinaphiye wa alliwaayo. Vano yaavollowa mukallawani nave yaallapuwa enyanja oya o Kaperenao.

Yohane 2:12

Ddimallille nndda, Yesu, amennya, asinne ni oohudderaaye yaaya o etawoni ya Kaperenao nko yakhallilliiwawo mallapo ooyeva.

Mateyu 17:24

Yesu ni oohudderaaye ephiyalle o Kaperenao, ookhomiha musonkho wa enyumba ya Mulluku yaawa wa Petro emukoha wi, “Ahuddihaanyu ennakhoma musonkho wa enyumba ya Mulluku?”

Luka 4:23

Nave Yesu aallota wi, “Kinnadduwella wi muneerokillotella miyaano mwambi wawi, ‘Mullupa murete we, ichirihe weekha’ nave weerilleewe mu Kaperenao weerettho wuno o etawoni yoowaninyweella.”

Mateyu 4:14

Nndda ddeereyille wi ddikwakhwanelle nnddo aallotille namallotella Yesaya wi,

Mateyu 4:15

“We echigawo ya Zebuloni ni echigawo ya Nafutali, vamusewuni wooya o enyanja, vakhopella va Yordani, we Galileya, nko onakhalla athu oohimullapella Mulluku,

Mateyu 9:1

Yesu aawella mu ekallawa allapuwa enyanja aphiya otawoni nko akhalleeye.

Mariko 2:1

Viviralle mallapo ooyeva Yesu aahokollweella o Kaperenao nave epilli yahiiweya wi oophiya owaniwa.

Luka 10:15

Nave wa nyu athu a o Kaperenao, muneesa muneerowellihiwa ophiyera oddullu? Iyaayi Mulluku aneerewuukitthihani ophiya o gehena.”