Mateyu 4:12 - Mawu a Mulluku

¹² Yesu iiwalleeye wi Yohane oomakiwa aahokollweella o echigawo ya Galileya.

Mateyu 4:12 ပူးပေါင်းရင်းမြစ်များ

Mariko 1:14

Yohane amakiwe, Yesu aaya o Galileya nave aallalleya othenga waphaama wa Mulluku.

Luka 3:20

Waanjererattho va ddoonanara eerilleeyennddo, aamuwallella Yohane mundende.

Mateyu 14:3

Vawi khalle, Herode aalamula wi Yohane amakiwe nave yammaka emuhiya mundende. Aheera ddenndda ekaamba ya Herodiyasi, mwaara a mwanamunne, Filipo.*

Yohane 3:24

Vawi Yohane aari ahinahiyiwe mundende.

Luka 4:14

Yesu aahokollweella o Galileya nave masiva a Munepa Waweella yaari ni olliye. Epillaaye yaavuwa mu echigawo mutthemwene.

Mariko 6:17

Vawi khalle, Herode aalamula wi Yohane amakiwe nave yammaka emuhiya mundende. Aheera ddenndda kaambiiwa aamutthella Herodiyasi naari aari mwaara a mwanamunne Filipo.*

Yohane 4:54

Ella sika yoottikhiniha yaneepiilli Yesu eerilleeye aphiyalle mu Galileya ovenyera o Yudeya.

Yohane 4:43

Viviralle mallapo meellaalla, Yesu aatimulla oya o Galileya.

Luka 4:31

Nave Yesu aaya o Kaperenao, etawoni ya mu Galileya, wenko ahaahuddiha athu va nllapo na Sabata.

Mateyu 11:2

Yohane Oobatiza iiwalleeye ari mundende dda ddeko Khrisitu eereeye, ahaarumiha oohudderaaye amodda wa yooyo wi yamukohe wi,

Luka 23:5

Koma athwaayo yaallipihellave ollota wi, “Ni ehuddihwaaye annaweeriha athu a mu Yudeya mutthemwene wi ewukile. Aambeelle o Galileya, vano ari wuno.”

Yohane 1:43

Osaka wene Yesu aapaalla oya o echigawo ya Galileya. Aamuphwanya Filipo,* amulleella wi, “Kithware!”

Yohane 2:11

Yesu aheera ddoottikhiniha ddawaambanndda o Kana o Galileya. Wenko ahuupullulla ntitimiho naye nave oohudderaaye yaamukhulupilila.