Mateyu 3:15 - Mawu a Mulluku

¹⁵ Koma Yesu aamwaakhulla wi, “Waakhullelle vano vawi mwawi ddiidda nineerokwakhwaniha echilungamo ettheene.” Vano Yohane ahaakhullella.

Mateyu 3:15 ပူးပေါင်းရင်းမြစ်များ

Yohane 4:34

Koma Yesu aallota wi, “Yoochaaka tti yawi keere opaalla wa oyo aakirumalle ni omalliha mutteko aakivahilleeye wi keere.

Yohane 15:10

Mwathwara malamulwaaka, muneerokhalla mu echikondaaka wonanko mmo kithwarelleemi malamulo a Attiitthaaka ni okhalla mu echikondaaye.

Yohane 13:15

Vawi kohuuvahani echisanzo wi mweereke wonanko mmo kiweerelleemini.

Yesaya 42:21

Ekaamba ya echilungamwiiwa Apwiya yaapaallesesa wi malamulwiiwa ekhalle avaddullu ni oolemu.

1 Yohane 2:6

Ayo enallota wi erive mu eyaattano ni Mulluku enaphwanella ekhalleke wonanko mmo Yesu Khrisitu akhallelleeye.

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

Yohane 8:29

Nave oyo aakirumalle miyaano ari ni miyaano, khaakihiyalle meekhaaka kaambiiwa kinneera ddennddove ddinamuhakallalliha olliye.”

Aheberi 7:26

Vano Yesu sika mullupa mukuthwaahu muullupalli oyo anakwakhwaniha ddoopaalla ddahu. Olliyooyo tti aweella, oohikhalla ni machimo nave aahiyanihiwa ni athu oochimwa nave aawellihiwa oya oddullu.

Mateyu 3:14

Nave Yohane apaalla wi amuwatteelle, voollotani wi, “Nyu sika munaakibatize ohiri miyaano kuubatizeni. Munawattho wa miyaano?”