Mateyu 28:6 - Mawu a Mulluku

⁶ Yooyo khaamo mmu vawi aavenyihiwa wa ookhwa moollikana ni mmo aallotilleeye. Waani wuno moone vanipuroni mvo vaari mutembwaaye.

Mateyu 28:6 ပူးပေါင်းရင်းမြစ်များ

Mariko 16:6

Nave aallota wi, “Muhoove vawi kinnadduwella wi munamwaasha Yesu a o Nazareti oyo aatthomeyiwe vamutandani. Yooyo khaamo mmu vawi aavenyihiwa wa ookhwa. Ngoonani, vanipuroni yamuvitthalliiwavo.

Mateyu 12:40

Vawi Yona akhanlle m'mirimani mwa ehomba yuullupalli mallapo mararu otthaana ni mahiiyu, emoddamoddave yeeyo mi, Mwaana a Muthu, kinaakhalle vatthi va ethaya mallapo mararu otthaana ni mahiiyu.

Mateyu 16:21

Waambeella enthawi yeeyo oya muhoollo Yesu ahaamba waalleella oohudderaaye wi tti woophwanella wi olliyooyo aye o Yerusalemu wi ahoosiwe wunchichi ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenyihiwa wa ookhwa.

Luka 24:23

kheyaaphwanyillemo mutembwaaye. Nave voowaani yallotille wi yaawoona angelo ayo yaalleelle ddawi olliyooyo okhallattho mukumi.

Luka 24:44

Vano aallota wi, “Ddeko ddenndda kaallota khalle kaariimi ni nyuwaano wi ddittheddene ddalembiwe dda miyaano mu malamulo a Mose ni ehuddiho ya anamallotella ni Nibukhu na Masalimo, ddinaphwanella wi ddikwakhwanihiwe.”

Mateyu 27:63

Yaallota wi, “Apwiya, nohuupuwella wi awootthoolle ahinakhwe aallota wi, ‘Kineerovenyattho wa ookhwa evinre mallapo mararu.’

Yohane 2:19

Yesu ahaakhulla wi, “Kumullani enyumba ya Mullukweella nave kineeroyimakattho mallapo mararu.”

Mariko 8:31

Yesu ahaamba waahuddiha oohudderaaye wi tti woopaalleya wi olliyooyo, “Mwaana a Muthu, aneerohoosiwa wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenya wa ookhwa.”

Yohane 10:17

“Attiitthaaka ennakikonda kaambiiwa kinnapaalla okhwa wi kaakhellettho okumaaka.

Luka 24:12

Naari ddaari ddiiddo, Petro aavenya athamakella o mahame wulle. Aphiyalleeye aawarama atthurumellamo nave oonillemo ekuwove nndde ddahuruwelliwena mutembo wa Yesoolle. Vano aahokollweella owaniwa attikhinaka ni ddeko ddeereyillennddo.

Mateyu 20:19

Vano eneerokivelleella wa athu ayo ehiri Ayuda, yaayo eneerokillotella epewe, ekiwashulle, ekitthomeye vamutandani koma vavira mallapo mararu kineerovenyihiwa wa ookhwa.”

Mateyu 17:23

Eneerokiipha koma vavira mallapo mararu kineerovenyihiwa wa ookhwa.” Oohudderaalle yiiwalle mawu yaalla yaamoriwa ethakaraka.

Mateyu 17:9

Yakitthalliiwa m'mwaangonimmo, Yesu ahaalamulella wi, “Muhimulleelle muthu moonilleenyunnddo, ophiyera olliye Mwaana a Muthu avenyihiwe wa ookhwa.”

Mitteko 2:24

Koma Mulluku aamuvenyiha wa ookhwa, amuttaphulla o ddoovoreya dda okhwa kaambiiwa khawaari wooworeya wi okhwa omuwanddeellelle.