Mateyu 28:5 - Mawu a Mulluku

⁵ Mungeloolle aallota ni atthiyanaalle wi, “Muhoove vawi kinnadduwella wi munamwaasha Yesu oyo aatthomeyiwe vamutandani.

Mateyu 28:5 ပူးပေါင်းရင်းမြစ်များ

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Luka 24:5

Atthiyanaayo yahoova nave yaaweha vatthi. Vano allopwanaayo yaallota wi, “Kaambiiwa tini munamwaasheenyu muthu mukumi variyari va ookhwa?

Luka 1:30

Mungelooyo aallota wi, “Ohoove, Mariya, Mulluku ooweerella echifundo.

Mariko 16:6

Nave aallota wi, “Muhoove vawi kinnadduwella wi munamwaasha Yesu a o Nazareti oyo aatthomeyiwe vamutandani. Yooyo khaamo mmu vawi aavenyihiwa wa ookhwa. Ngoonani, vanipuroni yamuvitthalliiwavo.

Mateyu 28:10

Vano Yesu aallota wa yaayo wi, “Muhoove, khaweni mwaalleelle oohudderaaka wi eye o Galileya nave eneerokoona miyaano wenko.”

Mateyu 14:27

Enthawi yeeyo Yesu aallota wa alliwaayo wi, “Llipani murima! Tti miyaano, muhoove.”

Daniele 10:19

Aallota wi, “We ookondiwesesa, ohoove. Murendelle okhalle ni weyaano. Khalla amasiva nave llipa murima.” Allotilleeye ddenndda, kaaphwanya masiva nave kaallota wi, “Apwiyaaka, llotani vawi mookillipiha.”

Daniele 10:12

Koma olliye aallota wi, “We Daniele, ohoove vawi ovenyera nllapo nawaamba mvo wahiyalleewe murimaawo va odduwella ni wiiyeviha vamiitthoni va Mullukwaawo, nivekello nawo nahiiweya mwawi kiwiille wi kaakhulle.

Yesaya 41:14

We Yakobo, oofooka wonanko enyambo, ohoove, we Israele, ohoopopiheye, oovullusaawo tti miyaano, Aweella a Israele.

Yesaya 35:4

Mwaalleelle a murima wawoova wi, “Llipani murima, muhoove! Ngoonani, Mullukwaanyu animawa wi aahokolloselle ni waallaka adanaanyu, animawa wi uuvulluseni.”

Mateyu 28:4

Ooweheraalle yaatthukumella, yiikuha ekhalla wonanko athu ookhwa vawi yaamoova wunchichi.

Mitteko 2:24

Koma Mulluku aamuvenyiha wa ookhwa, amuttaphulla o ddoovoreya dda okhwa kaambiiwa khawaari wooworeya wi okhwa omuwanddeellelle.