Mateyu 28:20 - Mawu a Mulluku

²⁰ Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Mateyu 28:20 ပူးပေါင်းရင်းမြစ်များ

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yoswa 1:5

We Yoswa khaavo anaawore wuugonjiha mu okumaawo muttheene. Miyaano kineerokhalla ni weyaano wonanko mmo kakhallelleemi ni Mose, ngiwa kuuhiya.

Masalimo 46:7

Apwiya Amasiva Mattheene eri ni hiyaano, Mulluku a Yakobo sika woothawella wahu.

Genesis 39:21

Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo.

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Mateyu 18:20

Vawi eelli naari araru yawa etthukumana ekaamba yawi tti oohudderaaka, miyaano kiri wenko variyari viwa.”

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

Mariko 16:20

Oohuddera yaavenya enallalleya virive veko. Nave Apwiya yaapharana mutteko vamodda nave yaanasimikizella ddoollalleya ddiwa wi tti ddawoona vaweerani ddoottikhiniha.] [

Eksodo 3:12

Mulluku aamwaakhulla wi, “Mi kineerokhalla ni weyaano. Echizindikiro yawi kuurumalle tti miyaano tti yawi, waakhumiha athwaaka o Iguputo, muneerokillapella omwaangoni wenngu.”

Akolose 1:28

Sika ninnallalleya dda Khrisitu wa arive muthu. Ninnachenjeza ni ohuddiha ni ezeru ddittheddene wi niweena arive muthu vamiitthoni va Mulluku ari oowaraalla mu eyaattano ni Khrisitu.

1 Akorinto 14:37

Muthu mmodda aaganizaka wi olliye tti namallotella apaalle ookhalla ni emphaso ya Munepa Waweella, anaphwanella adduwelle wi kinuulembelleemini tti lamulo na Apwiya.

2 Timoteo 4:17

Koma Apwiya yaakhalla ni miyaano ekillipiha murima sika kaawora ollalleya othenga ottheene wa athu attheene ayo eri oohikhulupilila. Nave kahaakihiwa muwano mwa mikango.

Mitteko 2:42

Athwaayo yaatthukumana vamodda wi ehuddereke wa amurummwaayo, enaattana, enamumeyameya buledi nave enamucha nimodda owaakattho enavekella nimodda.

Mateyu 6:13

Muhinikuselle woweesiwa, koma munivulluse wa Oonanarooyo.

1 Akorinto 11:2

Kinnathokoza kaambiiwa mu erive ello munnakuupuwella ni othwara ehuddiho eyo kuuhiyenreemini.

Mateyu 13:49

Ddinaakhallettho ddiidda va omalla wa ellapo yavattheella. Angelo eneeroowa nave eneerewaatthukumaniha athu oonanara ni waavenyihavo variyari va oolungama.

Masalimo 72:19

Nnddina niwa nootitimiheya nidaliseye wa enthawi yoohimalla, otitimiheya wiwa oddalle ellapo yavatthi ettheene. Amen! Amen!

1 Mamwene 1:36

Vano Benaya mwaana a Yehoyada aamwaakhulla mwenooyo wi, “Amen! Apwiya Mulluku a apwiyaaka amwene ekwakhwanihelle ddenndda.

Deuteronomo 12:32

Moonesese wi mweere ddittheddene kinuulamuleemininndda nave muhoonjererevo apaalle ovukullavo ello.”

Yawuupullulla 22:14

Oodalisiwa tti ayo enachapa ddoowara ddiwa mwaweelliha wi yaakhullelliwe ovollowa va millako dda m'muzindani ni ocha ezipaso dda muteekho wa okumi.

1 Epilli 16:36

Oodala tti Apwiya Mulluku a Israele, ovenyera o enthawi yoohimalla, wa enthawi yoohimalla!” Vano athu attheene yahaakhulla wi, “Amen” nave yahaatitimiha Apwiya.

Deuteronomo 5:32

“Nyu Aisraele muchenjere wi mweereke nnddo Apwiya Mullukwaanyu yuulamulalliiwani, oohirukunuwella onnattanatta apaalle wuunyotthoni.

2 Petro 3:2

Kinapaalla wi muupuwelle mawu yaallotiwe khalle ni anamallotella aweella navettho malamulo oovenyera wa Apwiya ni Oovullusa ayo yaavahiwe wa nyuwaano oweella mwa amurummwaanyu.

Mitteko 20:27

Vawi ngiwiipitthihelleni ello kallalleyeemi yoopaalla ya Mulluku wa nyuwaano.’

Yawuupullulla 1:18

Ookumoolle tti miyaano! Kaari ookhwa koma vano kookhalla ni okumi woohimalla. Kookhalla ni kiiyi a va okhwa ni a va ellapo ya ookhwa.

1 Akorinto 11:23

Vawi ehuddiho eyo kavahiweemi wa Apwiya kahuullellanittho nyuwaano wi, Apwiya Yesu, mahiiyu yaalle yavelleelliwiiwa yaamukusa buledi,

Mateyu 24:3

Vano Yesu akeraatthille va mwaango wa Olivi, oohudderaaye yaawa mwa weekhiiwa. Yaamukoha wi, “Nilleelleni ddittheddene ddenndda ddineereye niini? Nave echizindikiro ya enthawi ya owa wanyu waneepiilli ni omalla wa ellapo yavattheella enaakhalle yawiidde?”

Yeremiya 26:2

“Khawe wiimelle mu nthato na enyumba ya Apwiya nave wallote wa athu attheene ookhalla m'mizindani dda o Yuda ayo enallapella onyumbani ddittheddene nnddo kuulamunleemi wi wallote oohihiyavo ello.

Eksodo 8:27

Ninaphwanella weeta olendo wookwakhwana mallapo mararu muchipululuni wi navelleelle wa Apwiya Mullukwaahu, moollikana ni mmo yanilamulelliiwa.”

Ezekiele 46:10

Vano mwene athaananekena. Avolloweke ni athwaayo yaavollowaka nave akhumeke yaakhumaka.