Mateyu 27:64 - Mawu a Mulluku

⁶⁴ Ekaamba ya yeella mulamule wi nihame niweheriwe ophiyera nllapo naneerarunno, woova wi oohudderaaye enaawe emwiiyemo. Yeeddiiddo enaalloteke wa athu wi olliye oovenyihiwa wa ookhwa. Woottha woomallihellanngu oneerokhwaranya wowaambeella wulle.”

Mateyu 27:64 ပူးပေါင်းရင်းမြစ်များ

Mateyu 28:13

Nave yahaalleella wi, “Mulloteke wa athu wi, ‘Oohudderaaye yaawa mahiiyu yiiya mutembwaaye hiyaano niikimakona.’

Mateyu 12:45

Vano onnakhuma oya wakusa minepa ddimodda mitthanu ni miilli ddoonanara ohiyana ni olliyooyo nave ddinnawa ddivollowa ddinakhalla mwemmo. Vano muthooyo makhallellwaaye voomallihella ennakhalla oonanara ohiyana ni vawaamba valle! Nndda sika ddineereye wa athu oonanara amuttano.”

Mateyu 27:63

Yaallota wi, “Apwiya, nohuupuwella wi awootthoolle ahinakhwe aallota wi, ‘Kineerovenyattho wa ookhwa evinre mallapo mararu.’

Mateyu 27:65

Pilato ahaalleella wi, “Akuseni oowehera. Khaweni, mwawehere nihamenno moollikana ni mmo munadduwellelleenyu.”

1 Atesalonika 2:3

Ollalleya wahu khonavenyera mwawoottha apaalle moonanara naarittho ohiri moomulleka arive muthu.