Mateyu 27:60 - Mawu a Mulluku

⁶⁰ Aawuvittha mu mahamaaye anaanweene oosemiwa vanllukuni. Aaphikirisella nlluku nuullupalli omullakoni wa mahamaayo nave aavenyavo.

Mateyu 27:60 ပူးပေါင်းရင်းမြစ်များ

Yesaya 53:9

Yaahiya mahamaaye variyari va anamasikita, yaamuhiya mu mahame variyari va athu eeyuuma. Olliye kheerille nirive nichimo, muwano mwaye khamwaavenyenre erive yawoottha.”

Mateyu 28:2

Moorurumusa waakhalla echivomerezi yuullupalli vawi mungelo a Apwiya aakittha ovenyera oddullu aphiya o mahame wulle aphikirisa nllukunne akeraatthi vaddullu vaye.

Mateyu 27:66

Sika yaayo yaayaawo yallipiha owalla nihamenno, ehiyavo echizindikiro vanllukunimvo. Yeerille ddiiddo yahaahiyavo oowehera.

Yohane 20:1

Ohinase wa Nllapo Namulungu, epiphi ehinamalle, Mariya Magadalena aawa o mahame nave ahoona wi nlluku naavenyihiwavo vamullakoni valle.

Luka 24:2

Yaphwanyille nlluku niphikirisiwewo khalle omullakoni wa mahamaayo.

Genesis 50:5

‘Attiitthaaka eri vakhuviru okhwa, yaakillupelliha wi kaavitthe mu mahame ayo yiikatenlliiwa weekhiiwa mu ellapo ya Kanani. Sika kinimuuvekani wi mukaakhullelle wi kaavitthe attiitthaaka, vatulli viwa kineerohokollowattho.’ ”

Yesaya 22:16

“Ethiyo eneerawo tini wuno? Ollipalle murima mwawiidde va wiikatella mahame wuno wiikatella mahame vamwaangoni ni wiisemella moovumellamo m'mallukuni?

Mateyu 27:59

Sika Yosefe aakusa mutembooyo awuhuruwella ni ekuwo yanaanweene.

Yohane 11:38

Vano Yesu, aahoowattho m'murimani mwaye, aawa o nihame. Naari nikhungu nave nlluku naahiyiwa vamullakoni vaye.

Yohane 11:41

Sika yaavenyihavo nllukunne. Nave Yesu aaweha oddullu allota wi, “Attiitthaaka, kinnuuthokozani wi munnakiiwellella miyaano.

Yohane 19:41

Nave waatamella vanipuroni mvo Yesu aatthomeyiweeyevo vamutandani vaakhalla emata nave m'matanimmo mwaakhalla nihame nanaanweene mmo mwahivitthiwe muthu ovenyera khalle.