Mateyu 27:52 - Mawu a Mulluku

⁵² Mahame yaahulleya nave athu anchichi a Mulluku Aweella murima ayo yaari ekhwille, yaavenyihiwa wa ookhwa.

Mateyu 27:52 ပူးပေါင်းရင်းမြစ်များ

Yesaya 26:19

Athu ookhwa eneerokhallattho ni okumi, miilli ddiwa ddineerovenya. Nyu attheene muri mu mahame, venyani ni wiipa nchipo moohakallalla. Wonanko nikame ninoollowihelliiwa vatthi ohihimulla ddoomella, emoddamoddave yeeyo Apwiya eneerewaavenyiha ookhwa.

1 Atesalonika 4:14

Vawi ninnakhulupilila wi Yesu aakhwa nave aavenyattho. Mwawi ddiiddattho ninnakhulupilila wi athu ayo yakhwille ekhulupililaka mwa yooyo, Mulluku aneerewaavenyiha nave aneerewaakusa vamodda ni Yesu wa olliye.

1 Akorinto 15:20

Koma yawoona tti yawi Khrisitu oovenyihiwa wa ookhwa wi akhalle awaamba wa ayo enaavenyihiwe.

Daniele 12:2

Anchichi mwa ookona mu nthupi navatthi eneerovenya. Amodda enaaye o okumi woohimalla, amodda o owulliha muru ni o ollaka woohimalla.

Yesaya 25:8

Apwiya Mulluku eneeromirya okhwa ophiyera wa enthawi yoohimalla, eneerovutta miitthori m'mwiitthoni mwa arive muthu nave eneeromalliha owulliwa muru wa athwiiwa va ellapo yavatthi ettheene. Mi Apwiya koollota.

1 Atesalonika 5:10

Olliyooyo aanikhwella hiyaano wi naari niri ni okumi apaalle nikhwille niwe nikhalle akumi vamodda ni yooyo aawaaka.

1 Akorinto 15:51

Ngiiwesesani, kinawuupullullellani yookhuweya yawoona ella. Khanikhwa attheene koma nineerotthattusiwa,

Hoseya 13:14

Ethiyo kaavulluse wa ookhwa, kiwoopolla wuukhwaani? We okhwa, mullillaawo ori wuuwi? Ethiyo mahame, woononga wawo ori wuuwi? Athu yaalla ngiweerellattho echifundo.

1 Akorinto 11:30

Ella sika ekaambiiwa anchichi a nyuwaano tti oofooka ni oovoriiwa nave naari amodda aakhwa.

Mitteko 7:60

Aakokhora nave inlla ni mawu oowella wi, “Apwiya! Muhineerengella ochimwa wiwanngu!” Allotille ddenndda aakhwa.

2 Mamwene 13:21

Nllapo nimodda Aisraele amodda emuvitthaka mukhwiiwa yahoona mulloko wakhoto wa Amowabu. Sika yaavokhella mutembooyo mu mahame a Elisha ethawa. Muthu ookhooyo attannyilleeye makhuva a Elisha aahihimuwa nave ahiimella.

Yohane 11:11

Vano Yesu aallotattho wi, “Mukhwiihu Lazaro animakona nave kinaya kamuvenyihe.”