Mateyu 27:51 - Mawu a Mulluku

⁵¹ Nave ekatani yoohiyaniha mapuro meelli a mu enyumba ya Mulluku yahaahuwa okawaneya variyari ovenyera vaddullu ophiyera vatthi. Nave ellapo yaatikheya nave malluku yaatthalleya.

Mateyu 27:51 ပူးပေါင်းရင်းမြစ်များ

Mariko 15:38

Nave ekatani yoohiyaniha mapuro meelli a mu enyumba ya Mulluku yahaahuwa okawaneya variyari ovenyera vaddullu ophiyera vatthi.

Aheberi 6:19

Nookhalla ni etiyerello yeella wonanko nangula* ookumaahu eyo eri yookeraattheya ni yoollipa nave ennavollowa ohiyana ni ekatani ya mu enyumba ya Mulluku yooddullu yaphiya muwari mwa nipuro naweella.

Luka 23:45

Owala wa nndduwa waatthattuwa epiphi nave ekatani yoohiyaniha mapuro meelli a mu enyumba ya Mulluku yahaahuwa okawaneya variyari.

Yawuupullulla 11:19

Vano enyumba ya Mulluku yooddullu yaahulliwa nave nibokosi na echipangano nahooneya. Nave vaakhalla ettari, ogugudeya wa murimu ni echivomerezi navettho marallalla muullupalli.

Mateyu 27:54

Akhoto muullupalli a o Roma ni akhotwaaye ayo yamuwehera Yesu, yahoona echivomerezi ni ddeko ddittheddene ddeereya. Yahoova wunchichi ellota wi, “Ddawoona, olla aari Mwaana a Mulluku!”

Mateyu 28:2

Moorurumusa waakhalla echivomerezi yuullupalli vawi mungelo a Apwiya aakittha ovenyera oddullu aphiya o mahame wulle aphikirisa nllukunne akeraatthi vaddullu vaye.

Yesaya 25:7

Va mwaango yoolla eneeromalliha ethakaraka nnddo ddahuruwenlle mitundu ddittheddene dda athu ni malloko mattheene.

Yawuupullulla 11:13

Enthawi yeeyo vaakhalla echivomerezi va emodda mwa ezigawo khumi dda muzinda ekumuwa nave athu 7,000 yahiiphiwa. Amodda oohallaayo yahoova nave yaatitimiha wunnuwa wa Mulluku Muullupalli.

Aheberi 9:3

Otulli wa ekatani waakhalla echipinda yooromolliwa wi nipuro naweellesesa.

Habakuku 3:10

Miyaango ddawoonilleewani ddaatikheya, maaddi yaamora ovenyera oddullu. Maaddi a vatthi va ellapo yaathuruma, mafundiiwa yaawella muddullu.

2 Epilli 3:14

Nave aapanga ekatani yabululu, yoofiira moohiyanahiyana ni ya bafuta aphaama nave aapetavo ezithuzi dda akerubi.

Levitiko 21:23

Koma ahiwe vakhuviru ni ekatani apaalle osusera va nikuwa kaambiiwa oorakalla woova wi anaaripihe ddeko ddaka ddaweellihiwa oopatuleya. Vawi mi tti Apwiya ayo yapatulalle ddeko ddenndda.”

Habakuku 3:13

Mwaaya wi mwaavulluse athwaanyu, wi mwamoopolle mwenaanyu oozoziwa.* Mwaamoononga oohoollella a athu oonanara ni waatthollosa athwaaye attheene.

Masalimo 18:15

Mitthipidda dda enyanja yoowallamella ddahooneya, matthipello a ellapo yavatthi yaakhalla vaweella, Nyu Apwiya mwasimweenyu moowalli, mwavumeenyu mwamasiva ovenyera mphunani mwiwa.

Masalimo 18:7

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.

Levitiko 16:2

Apwiya yaallota ni Mose wi, “Omulleelle mwanamunno Aroni wi ahivolloweke erive enthawi onipuroni naweellesesa ntthella na ekatani vamiitthoni va yookhuneella ya nibokosi na echipangano wi ahikhwe kaambiiwa miyaano kineerekewooneyella m'muraponi vaddullu va yookhuneelleeyo.

Eksodo 40:21

Nave aahiya nibokosinno m'musasanimmo nave aatthomeya ekatani yootchingella. Mwawi aatchinga nibokosi na echipangano moollikana ni mmo Apwiya yamulamulelliiwa.

Numeri 4:5

Athu yaatthaamaka ni misasa ddiwa, Aroni ni anaaye evollowe m'musasani wamutthukumano, ettaphulle ekatani nave ehuruwelle nibokosi na echipangano.

Luka 23:47

Akhoto muullupalli a o Roma oonilleeye ddeereyillennddo aamutitimiha Mulluku allota wi, “Ddawoona, muthoolla aari oolungama!”