Mateyu 27:41 - Mawu a Mulluku

⁴¹ Emoddamoddave yeeyottho allupa mukutho uullupalli ni ahuddihi a malamulo* ni attekweene a Ayuda yaamullotella epewe wi,

Mateyu 27:41 ပူးပေါင်းရင်းမြစ်များ

Masalimo 35:26

Ayo enahakallalla ekaamba ya ddookatamiha ddaka, ewulliwe muru, epallalleye muru. Ayo eneeseesa wi ekipambane, ewulliwe muru, evevuwe.

Luka 23:35

Athu yahiimella enoonella nave attekweene a Ayuda yamullotelliiwa epewe wi, “Aanaavullusa amodda, muhiyeni iivulluse yeekha, aari Mesiya ootthoolliwa ni Mulluku!”

Luka 22:52

Vano Yesu aallota ni allupa mukutho uullupalli ni oowehera enyumba ya Mulluku ni attekweene a Ayuda* yawiille vaavwaayo wi, “Ethiyo muphiyalle ni masupada ni ekoonda wi mukimake wonanko miyaano tti echigawenga?

Luka 18:32

Kineerovelleelliwa wa athu ayo ehiri Ayuda, eneerokeerella epewe, eneerokuukutha nave eneerokittaphera mare.

Zekariya 11:8

Va mweeri mmodda kahaavenyihavo abusa araru ayo yaakishihalle murima ni wiitana ni miyaano mwawi ngaawonre waavillella.

Yesaya 49:7

Apwiya, Aneerewoopolla ni Aweella a Israele, enallota wa oovevulliwa wunchichi, awiitiwa ni mitundu ddimodda dda athu, kaporo a mamwene eekuku wi, “Mamwene eneerewiimella moolemu voowoonani, naari enduna ddineeropopheya ekhove ddiwa.” Ddenndda ddineereye ekaamba ya Apwiya oororomelleya, Aweella a Israele ayo yuutthoollille.

Yesaya 28:22

“Vano muhivevulle mawu yaalla vawi mweera ddiiddo, onyolwaanyu oneerewuttiinani mwawoopiha. Apwiya Mulluku Amasiva Mattheene, yaakilleella wi yoosimikiza woononga ellapo yavatthi ettheene.”

Yobu 13:9

Munaakomelle vaavi Mulluku uuwehesesani? Apaalle ttuumulleka wonanko muneerelleenyu ni muthu?

Mateyu 27:40

Yaallota wi, “We oowora okumulla enyumba ya Mulluku oyimakattho mallapo mararu wiivulluse weekha nave okitthevo vamutandanimvo waari Mwaana a Mulluku!”

Mateyu 27:42

“Aanaavullusa amodda koma khanawora wiivullusa yeekha. Khe olla mwene a Israele? Akitthevo vamutandanimvo vano wi nimukhulupilile!