Mateyu 27:35 - Mawu a Mulluku

³⁵ Yaamutthomeya vamutandani ni okawana ddoowara ddaye weekhiiwa yoombesille.

Mateyu 27:35 ပူးပေါင်းရင်းမြစ်များ

Masalimo 22:18

Aakawana ddoowara ddaka, ahoombesa va mukanjwaaka.

Luka 23:34

Yesu aallota wi, “Attiitthaaka, mwaakhululukelle vawi khenadduwella eyo eneeriiwa.” Vano akhoto yaakawana ddoowara ddaye mwawoombesa.

Mitteko 4:10

vano attheenenyu mudduwelle ni athu attheene a o Israele edduwelle wi muthoolla ohiimella achirihiwe ekaamba ya masiva a nnddina na Yesu Khrisitu a o Nazareti, oyo mwamutthomeyilleenyu vamutandani nave oyo Mulluku aamuvenyihalleeye wa ookhwa.

Masalimo 22:16

Athu eekuku aakaapheella wonanko enama ddamuhakani, aaphovolla mattaaka ni manyallwaaka.

Yohane 20:27

Vano aamulleella Tomasi wi, “Ttannya ni eyaallaawo mva nave ona mattaaka navettho okolla nnatta nawo ottannye mu epararwaaka. Ohikhalle oohikhulupilila koma okhulupilileke.”

Yohane 20:20

Allotilleeye ddenndda aawooniha mattaaye ni epararu ddaye. Sika oohudderaalle yaahakallalla voowoonani Apwiya.

Yohane 20:25

Sika oohuddera amodda yaamulleella wi, “Noowoona Apwiya!” Koma Tomasi ahaalleella wi, “Kaahoona makhwata a misomali m'mattani mwiwa nave kaattannya ni eyaallaaka m'makhwatanimmo navettho kaattannya ni nnatta naka mu epararuni mwaye, ngiwa kikhulupilila.”

Mitteko 2:23

Yesu yoolla aavelleelliwa moollikana ni opaalla wa Mulluku vawi aadduwella khalle wi mwaamutthomeya vamutandani nave mumwiipha voomuvelleellani wa athu oonanara.